Lucas 5

Yesu ɔmbɔ sɔna Baeki batango

1 Kaiki luina lɔmɔɔ, Yesu aiki ataemala ɔɔkɔngɛ ba wango ba Gɛnɛsalɛti*5.1 Bongo wago ba Genesaleti baelelaka lonkinɛ wango ba Galilaya.Banto ike baanjisa mboophika, aliko baiki batalange mboka bosao ba Kanamombe., la banto ike baanjisa mboo phika, aliko baonaki mboka besao be Kanamombe*. 2 Aɛni biɔmbɔ biphee ɔɔkɔngɛ ba wango. Balɔwi baiki batapase otema baiki bata ɔkya bɛtɛi bɛɔ. 3 Yesu auleli ɔ kɛmɔɔ kiiki ango. Kengo kyɔmbɔ kiiki ke Simo. Yesu aosimeli nte asɛmɛya e wango, bɔɔ inchɛ la ɔkɔngɛ. Ayali o kengo kyɔmbɔ la njala ataekya banto.

4 Ango asili ndako mbekya, asimeli Simo nte: «Sɛmeya kyɔmbɔ ele iloko, linjanyo bɛtɛi bɛnyo wiiloko, aliko o jake nyo nse». 5 Simo auchisa: «Bɔkɔta, tombo lɔwa lɛlɔ bocho lalikuli koo mba ekambwa. Kinaki, ŋaanɛ wɛɛ kɔmbɔ lɔnda lakondo oka lonkinɛ bɔtɛi e losi». 6 Pa nsila mboka bɔtɛi e losi, ba jaki nsee ike, nende ango aiki bɛtɛi bɛɔ beke betaate. 7 Baeleli baina labɔ baiki e kenkinɛ kyɔmbɔ, baande mbo baamola. Baandi baojisa biɔmbɔ beko biphee la nse ilango biɔmbɔ bilinde. 8 Simo Pɛtɛlɛ aɛni ndako ŋango, akɔmeli Yesu balwe la nɔnda nte: «Pasa otamboka lami, ee Bɔkɔta aliko lemi nende boso njambi»! 9 Kwiki ŋaanɛ, aliko Simo la baina lande, basebalali ike la mɛna nse ya jaki bako. 10 Ŋango ako, Yakɔbɔ la Yɔani bana ba Sebedayɔ baiki baina lande basɔkɔli ba nse. Yesu asimeli Simo: «Kolawake; manja lɛlɔ akondo yala bɔsɔkɔli baanto». 11 Baɛlisa kyɔmbɔ wɔɔ kɔngɛ, bachiki bikambwa lalikuli la ningita Yesu.