1 "याहवेह आफ्नो अभिषिक्त जन कोरेसलाई यसो भन्नुहुन्छ,
मैले त्यसको दाहिने हात थामेको छु,
त्यसको सामु जातिहरूलाई पराजित गर्न;
अनि राजाहरूको हतियार खोस्न,
मूलढोकाहरू बन्द नहोस् भनेर
त्यसको सामु ढोकाहरू खोलिदिन:
2 म तेरो अगि-अगि जानेछु,
र पर्वतहरूलाई समतल पारिदिनेछु;
म काँसाका मूलढोकाहरू भत्काइदिनेछु;
अनि फलामका बारहरू म काटिदिनेछु।
3 म नै याहवेह हुँ, म नै इस्राएलका परमेश्वर हुँ;
मैले नै तँलाई तेरो नाम काढेर बोलाएको छु भनेर तैँले थाहा पाउनलाई
म तँलाई अँध्यारो ठाउँमा भएको भण्डार
र गुप्त स्थानमा जम्मा गरेका धन दिनेछु।