Jó 28

12 Luhunja luva mubahali ha,

wala yikuwoneka ha mumihiva ya bahali,

kwahela mundu yawesha kuyipata.

13 Kwahela mundu yamanya kutalama kwa luhunja,

wala luhunja lukuwoneka ha mumlima wa vandu yivavelili vakomu.

14 Mumihiva ya bahali yikudeta, kucha tuva na luhunja,

na bahali yikudeta kucha, Luhunja luva kwa nenga ha.

15 Luhunja lukuwesha ha kuhemiliwa kwa chumang’andu,

wala ndalamilu yaki yilingiwi ha kwa madini va mbiya.

16 Yikulingiwa ha na chumang’andu yifuma Ofili,

wala kwa madini va shonamu na yakuti yitawukili.

17 Vakwifwana na chumang’andu ha wala madini yivamelimeta,

wala dayiweshi ha kukovanika na findu fya chumang’andu.

18 Luhunja pitu madini yivakemiwa malijani na yaspi,

luhunja lutalama pitu madini yivakema lulu.

19 Madini ya topas ya njanu ya mlima wa Kushi yilingani ha na luhunja,

wala luhunja luweshi ha kuhemiliwa kwa chumang’andu nofu.

20 Topi luhunja lukufuma koti?

Luhala lukwikala koti?

21 Luhunja lufisika kwa filumbi fyonda fivelili na unofu,

na vambongu va kululanga vaweshi ha kwiwona.

22 Kumambi na njifwa fikudeta,

Tupikana filongu fyaki kwa majeji vetu.