Kumutanga mung’olotso ho an’dita ndongwa ntsibi
15 "Manyi mung’olotso akuditile lulongwa lubi, ubite ukamulonjele wubi wake homuvavili heve na mwene. Manyi akuhulikitse ukuva umupasile mung’olotso. 16 Lechelelo manyi aleche kukuhulikitsa, utegule munu yumwe awu vavili, kwasawuli kota fyo yandikwe mu Mandiko ga Mulungu kuta, lulongwa ludichilwaga kwa wusahidi wa vanu vavili awu vadatu nongwa yilamulwaga. 17 Manyi aleme kuvahulikitsa ivo, uchilonjele chikundi cha vanu vanya litumbilo, nayo manyi aleme kuvahulikitsa, duve munu uyo mumuvalile kota munu mugaya litumbilo awu mukongotsa kodi."
Kulema na kidichila
18 "Ntsinguvalonjela wukweli kuta, chinu cho chive cho mukulemetsa mu inyi, icho chikuva chilemitswe na Kilanga kwa Mulungu, na chinu cho chive cho mukuchidichila mu inyi chikuva chidichilwe na Kilanga kwa Mulungu."
19 "Kahi ntsinguvalonjela, manyi vanu vavili vakulagana mu inyi kwasawuli ya lulongwa loluve lo van’gana kusuka, Dada vangu va Kilanga akuvaditila lulongwa ulo. 20 Kwasawuli hala ho vakukong’ana vanu vavili awu vadatu kwasawuli yangu, na heni nguva baho hamwe nawo."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)