MATAYO 9

Muhintsa va Yayilo na mudala amponetswa

18 Yesu hoavaga anlonga ndongwa itso, akatsaje muvina yumwe va Chiyawudi, akamufugamilaje na kulonga, "Muhintsa vangu afweye sambi, lelo ntsinsuka utse umuvichile mawoko nayo akuva mumi"

19 Ihyo Yesu hamwe na vadahitswa vake vakabitasaje na munu yula. 20 Hovavaga vam’bita mudala yumwe yo avaga na wutamwa wa kuhuma danda miyaka kumi na jivili, akamufwataje Yesu kwa kumbele na akibataje lupembo lwa mwenda gwa Yesu.

21 Adisile ihyo kwasawuli ilonje mu numbula yake kuta, "Manyi ndometse hela lupembo lwa mwenda gwake, ngupona." 22 Ihyo Yesu akapitukaje, nayo hoavaga kumuwona mudala yula akamulonjelaje, "Muhintsa vangu, wikangatsaje! Litumbilo lyako likuponitse." Duve mudala yula akaponaje kuhuma luvalalulo.

23 Kaha Yesu akinjilaje mu nyumba ya yula chilongotsi, akavawonaje vanu vampemba fwilimbi na lilugu lya vanu vanlomboketsa, na kuvemba ndalahela, 24 Yesu akavalonjelaje, "Muwuche hono hano kwasawuli muhintsa yuno si afweye ndaya, ila avasise hela." Lechelelo vanu iwo vakamuhekaje ndalahela kwa mbedatsi.

25 Lechelelo vanu hovavaga kuhumitswa kivala, Yesu akinjilaje mu nyumba akamubataje liwoko muhintsa yula, nayo akalamukaje.

26 Ndongwa itso tsikatagalilaje mu inyi yila yeka.