1 ದೆವಾನ್ ಹಿ ಸಗ್ಳಿ ಹುಕುಮಾ ದಿಲ್ಯಾನ್, 2 ತುಕಾ ಗುಲಾಮ್ ಗಿರಿತ್ನಾ ಮಟ್ಲ್ಯಾರ್, ಇಜಿಪ್ತ್ ದೆಶ್ಯಾಕ್ನಾ ಸೊಡ್ಸುನ್ ಭಾಯ್ರ್ ಹಾನಲ್ಲೊ ಮಿಯಾಚ್ ತುಮ್ಚೊ ದೆವ್ ಸರ್ವೆಸ್ಪರ್ .

3 ತುಕಾ ಮಾಕಾ ಸೊಡುನ್ ದುಸ್ರಿ ದೆವಾ ರಾವ್ಚಿ ನ್ಹಯ್ , 4 ಮಳ್ಬಾತ್ಲ್ಯಾ ಹೊಂವ್ದಿ, ನಾತರ್ ಜಿಮ್ನಿ ವೈನಾ ಹೊಂವ್ದಿ, ಜಮ್ನಿಚ್ಯಾ ಖಾಲ್ತಿ ಹೊತ್ತ್ಯಾ ಪಾನಿಯಾತ್ ಹೊಂವ್ದಿ ಹೊತ್ತ್ಯಾ ಕಸ್ಲ್ಯಾಚೊಬಿ ರುಪ್ ನಾತರ್ ಮುರ್ತಿ ಕರುನ್ ಘೆವ್ ನಕ್ಕೊ, 5 ಅನಿ ತೆಕಾ ಪಾಂಯ್ ಪಡುನಕ್ಕೊ, ತೆಕಾ ಆರಾದನ್ ಕರುನಕ್ಕೊ, ಕಶ್ಯಾಕ್ ಮಟ್ಲ್ಯಾರ್ ಮಿಯಾಚ್ ತುಜೊ ದೆವ್ ಸರ್ವೆಸ್ಪರ್ , ಮಾಕಾ ಪಾವುಚಿ ಹೊಲ್ಲಿ ಮರ್ಯಾದ್ ಮಿಯಾ ದುಸ್ರಾಕ್ನಿ ಪಾವುಕ್ ದಿಯ್ನಾ, ಮಾಕಾ ದ್ವೆಶ್ ಕರ್‍ತಲ್ಯಾಕ್ನಿ ಮಿಯಾ ಶಿಕ್ಷ್ಯಾ ದಿತಾ. ಬಾಬಾನಿ ಕರಲ್ಲ್ಯಾ ಚುಕೆಚೊ ಫಳ್ ಮಿಯಾ ತೆಂಚ್ಯಾ ಪೊರಾಂಚ್ಯಾ ವರ್‍ತಿ ತಿನ್ ಚಾರ್ ಟಕ್ಲ್ಯಾ ಪತರ್ಬಿ ಯೆಯ್ ಸಾರ್ಕೆ ಕರ್ತಾ. 6 ಖರೆ ಮಾಕಾ ಪ್ರೆಮ್ ಕರುನ್ ಮಾಜ್ಯಾ ಹುಕುಮಾಂಚ್ಯಾ ಸಾರ್ಕೆ ಚಲ್ತಲ್ಯಾಕ್ನಿ, ಹಜಾರ್ ಟಕ್ಲ್ಯಾ ಪತರ್ ಬಿ ಮಾಜೆ ಪ್ರೆಮ್ ದಾಕ್ವುತಾ.

7 "ತಿಯಾ ತುಜ್ಯಾ ಸರ್ವೆಸ್ಪರಾಚೆ ನಾವ್ ಬುರ್ಸ್ಯಾ ಕಾಮಾಕ್ ವಾಪ್ರುನಕ್ಕೊ, ಕಶ್ಯಾಕ್ ಮಟ್ಲ್ಯಾರ್, ಮಿಯಾ ಸರ್ವೆಸ್ಪರ್ ಮಾಜೆ ನಾವ್ ಬುರ್ಸ್ಯಾಕ್ ವಾಪರ್ತಲ್ಯಾಕ್ನಿ ಶಿಕ್ಷ್ಯಾ ದಿಯ್ನಸ್ತಾನಾ ಸೊಡಿನಾ", 8 "ತುಮ್ಕಾ ಯಾದ್ ರಾಂವ್ದಿತ್, ಸಬ್ಬಾತಾಚೊ ದಿಸ್ ದೆವಾಚೊ ದಿಸ್ ಮನುನ್ ಕಳ್ವುನ್ ಘೆವ್ನ್, ಪವಿತ್ರ್ ಮನುನ್ ಆಚರನ್ ಕರ್. 9 ಸಾ ದಿಸಾ ಘೊಳುನ್, ತುಜೆ ಸಗ್ಳೆ ಕಾಮ್ ಕರುನ್ ಘೆ. 10 ಖರೆ ಸಾತ್ವೆಚೊ ದಿಸ್ ತುಜ್ಯಾ ದೆವಾ ಸರ್ವೆಸ್ಪರಾಕ್ ಮನುನ್ ನೆಮ್ಸುನ್ ಥವಲ್ಲೊ ಆರಾಮ್ ಕರ್ತಲೊ ದಿಸ್, ತ್ಯಾ ದಿಸಿ ತಿಯಾ ಕಸ್ಲೆ ಕಾಮ್ ಬಿ ಕರುಚೆ ನ್ಹಯ್, ತುಜಿ ಲೆಕಾ, ಲೆಕಿಯಾ ಅನಿ ಗಂಡ್, ಅನಿ ಹೆನ್ನ್ ಆಳಾ ಜನಾವರಾ ಅನಿ ತುಜ್ಯಾ ಗಾಂವಾತ್ ಹೊತ್ತಿ ದುಸ್ರ್ಯಾ ದೆಶ್ಯಾಚಿ ಲೊಕಾಬಿ ಕಸ್ಲೆ ಕಾಮ್ ಕರುಕ್ ನಾ. 11 ಕಶ್ಯಾಕ್ ಮಟ್ಲ್ಯಾರ್, ಮಿಯಾ ಸರ್ವೆಸ್ಪರಾನ್ ಸಾ ದಿಸಾ ಜಿಮಿನ್ ಮಳಬ್, ಸಮುಂದರಾ ಅನಿ ತ್ಯಾತುರ್ನಿ ಹೊತ್ತೆ ಸಗ್ಳೆಬಿ ರಚುನ್, ಸಾತ್ವ್ಯಾದಿಸಿ ಆರಾಮ್ ಘೆಟಲ್ಲೊ, ತಸೆ ಹೊವ್ನ್ ತೊ ದಿಸ್ ಮಿಯಾ ಸರ್ವೆಸ್ಪರಾಚೊ ಆರಾಮ್ ಕರ್ತಲೊ ದಿಸ್ ಕರುನ್ ಆಶಿರ್ವಾದ್ ದಿವ್ನ್ ಪವಿತ್ರ್ ಕರ್‍ಲೊ". 12 ತುಜ್ಯಾ ಬಾಯ್ ಬಾಬಾಕ್ನಿ ಮಾನ್ ದಿ, ತೆಚ್ಯಾ ವೈನಾ ತುಜೊ ದೆವ್ ಅನಿ ಸರ್ವೆಸ್ಪರ್ ಮಿಯಾ ತುಕಾ ದಿತಲ್ಯಾ ದೆಶ್ಯಾತ್ ತಿಯಾ ಲೈ ಯೆಳಾ ಪತರ್ ಝಿತ್ತೊ ರ್‍ಹಾತೆಯ್. 13 ಖುನ್ ಕರುನಕ್ಕೊ, 14 ತಿಯಾ ವ್ಯಭಿಚ್ಯಾರ್ ಕರುನಕ್ಕೊ, 15 ತಿಯಾ ಚೊರು ನಕ್ಕೊ, 16 ತಿಯಾ ಕೊನಾಕ್ಬಿ ವಿರೊಧ್ ಹೊವ್ನ್ ಝುಟಿ ಸಾಕ್ಷಿ ಸಾಂಗುನಕ್ಕೊ. 17 "ತಿಯಾ ಕೊನಾಚ್ಯಾಬಿ ಘರಾಚಿ ಆಶ್ಯಾ ಕರುನಕ್ಕೊ, ನಾತರ್ ಕೊನಾಚ್ಯಾಬಿ ಬಾಯ್ಕೊಚಿ ಆಶ್ಯಾ ಕರುನಕ್ಕೊ, ಅನಿ ಕೊನಾಚ್ಯಾಬಿ ಆಳಾ ನಾತರ್ ಬೈಲಾ, ಗಾಡ್ವಾ ನಾತರ್ ಕೊನಾಚ್ಯಾಬಿ ಕಸ್ಲ್ಯಾಬಿ ವಸ್ತಾಚಿ ಆಶ್ಯಾ ಕರು ನಕ್ಕೊ".

18 ಅನಿ ಸಗ್ಳ್ಯಾಲೊಕಾನಿ ಗುಡ್ಗುಡೊ, ಲಕ್ಲಕೊ ಅನಿ ಪೊವ್ಯಾಂಚೊ ಆವಾಜ್ ಆಯಿಕ್ಲ್ಯಾನಿ, ಅನಿ ಮಡ್ಡಿತ್ನಾ ಯೆವ್ಲಾಗಲ್ಲೊ ಡುಕೊಟ್ ಬಗ್ಲ್ಯಾನಿ, ಅನಿ ತೆ ಬಗುನ್ ಥರ್ಥರುನ್ಗೆತ್ ಧುರುಚ್ ಇಬೆರಾಲ್ಯಾನಿ. 19 ಅನಿ ತೆನಿ ಮೊಯ್ಜೆಕ್, "ನಾತರ್ ತಿಯಾಚ್ ಅಮ್ಚೆಕ್ಡೆ ಬೊಲ್, ತನ್ನಾ ಅಮಿ ಆಯ್ಕುಕ್ ಹೊತಾ, ಖರೆ ಸರ್ವೆಸ್ಪರಾನ್ ಬೊಲ್ತಲೆ ನಕ್ಕೊ ಅಮಿ ಮರುನ್ ಜಾತಾಂವ್" ಮಟ್ಲ್ಯಾನಿ. 20 ತನ್ನಾ ಮೊಯ್ಜೆನ್ ಲೊಕಾಕ್ನಿ, "ಭಿಂವ್ ನಕಾಸಿ ಸರ್ವೆಸ್ಪರ್ ತುಮ್ಕಾ ಪರಿಕ್ಷಾ ಕರುಕ್ ಯೆಲಾ, ಅನಿ ತುಮ್ಚ್ಯಾ ಮನಾತ್ನಿ ದೆವಾಚಿ ಭಕ್ತಿ ರಾವ್ನ್, ತುಮಿ ಪಾಪ್ ಕರಿನಸ್ತಾನಾ ರ್‍ಹಾತ್ಯಾಸಿ", ಮಟ್ಲ್ಯಾನ್. 21 ಮೊಯ್ಜೆ ಎಕ್ಲೊಚ್ ಮೊಡಾಚ್ಯಾ ಕಾಳ್ಕಾತ್ ದೆವ್ ಹೊತ್ತ್ಯಾಕ್ಡೆ ಜಗ್ಗೊಳ್ ಪಾವಲ್ಲೊ, ಅನಿ ಲೊಕಾ ಸಗ್ಳಿ ಧುರುಚ್ ಇಬೆ ಹೊತ್ತಿ.

22 ಸರ್ವೆಸ್ಪರಾನ್ ಮೊಯ್ಜೆಕ್, ತಿಯಾ ಇಜ್ರಾಯೆಲ್ ಲೊಕಾಕ್ನಿ ಮಾಜಿ ಹಿ ಗೊಸ್ಟ್ ಸಾಂಗ್, ಮಿಯಾ ಮಳ್ಬಾತ್ನಾ ತುಮ್ಚ್ಯಾ ವಾಂಗ್ಡಾ ಬೊಲ್ತಾ ಮನ್ತಲೆ ತುಮ್ಕಾ ಗೊತ್ತ್ ಹಾಯ್, 23 ತಸೆ ಹೊವ್ನ್ ತುಮಿ ಮಾಜ್ಯಾ ಬದ್ಲಾಕ್ ಚಾಂದಿಚೊ ನಾತರ್ ಸೊನ್ಯಾಚೊ ದೆವ್ ಕರುನ್ ಘೆವ್ಕ್ ನಾ. 24 ಅನಿ ಮಾಜ್ಯಾ ಸಾಟ್ನಿ ತುಮಿ ಮಾಟಿನ್ ಎಕ್ ಬಲಿ ಭೆಟ್ವುತಲೊ ಕಟ್ಟೊ ತಯಾರ್ ಕರುಚೆ, ತೆಜ್ಯಾವರ್‍ತಿ ಸಮಾಧಾನಾಚಿ ಬಲಿ ಅನಿ ಜಾಳ್ವುಕ್ ಜನಾವರಾಚಿ ಬಲಿ ಭೆಟ್ವುಚೆ, ಮಾಜೆ ನಾವ್ ತುಮ್ಚ್ಯಾ ಯಾದೆಕ್ ಯೆಯ್ ಸಾರ್ಕೆ ಕರ್‍ತಲ್ಯಾ ಸಗ್ಳ್ಯಾ ಜಾಗ್ಯಾ ವೈನಿಬಿ ಮಿಯಾ ತುಮ್ಚ್ಯಾ ಜಗ್ಗೊಳ್ ಯೆವ್ನ್ ತುಮ್ಕಾ ಆಶಿರ್ವಾದ್ ದಿತಾ. 25 ತುಮಿ ಮಾಕಾ ಗುಂಡ್ಯಾಚೊ ಬಲಿ ಭೆಟ್ವುತಲೊ ಕಟ್ಟೊ ತಯಾರ್ ಕರ್ತಾನಾ, ಕಾತರಲ್ಯಾ ಗುಂಡ್ಯಾನಿ ಭಾಂದುನಕಾಸಿ, ಕಶ್ಯಾಕ್ ಮಟ್ಲ್ಯಾರ್ ಉಳಿಯಾನಿ ಮಾರುನ್ ತೊ ಗುಂಡೊ ಅಶುದ್ದ್ ಹೊಲ್ಲೊ ರ್‍ಹಾತಾ. 26 ಅನಿ ತುಮಿ ಬಲಿಭೆಟ್ವುಕ್ ಯೆತಾನಾ ಪೈರಿಯಾವೈನಿ ಚಡುನ್ ಯೆವ್ ನಕಾಸಿ, ಕಶ್ಯಾಕ್ ಮಟ್ಲ್ಯಾರ್ ತುಮ್ಚೆ ನಾಗ್ಡೆ ಪಾನ್ ಮಾಕಾ ದಿಸ್ತಲೆ ನಕ್ಕೊ.