Gênesis 16

Hagar Ku Ismael

1 Di obe nwu kamɛ Sarai, Abram ɔsɔfɔ diiloolofo obi kuonwii ata ni Abram, kafɔɔ aawɛ Egipte ɔlanle sankobi onwii baatɔɔlɛɛ ni Hagar. 2 Ni aatɔkɔ Abram alɛ, <<Nyu! SAATE nwu dilɔɔtɛɛ obi nlofo. Tɔɔkyɛ falaayɔ ɔlanle sankobi nii nwu: loobia mawɛ babi bawo nklee.>>

Abram latũna di Sarai ɔlaa nwu suoto. 3 Nioso obe wɔ di Abram ntoosiɛ ni di Kanaan kasɔ suoto di alɛɛ lefosi sɛmaa, ni di Abram ɔsɔfɔ Sarai layɔ Egipte ɔlanle sankobi nɔɔ nwu Hagar aata ɔsa alɛ ayɔ nɛ.