1 K'orane ək'elikane dixee dekkıne terbiyel k'ırı iliyxhen,

matsxara ha'ang'veeme aq'veeqa eyhene cuvabıl k'ırı iliyxhe deş.

2 Yugun cuvab uvhiyng'vee, mançike yugun alyaat'as,

xaainısme mebınbışilqa yiğbı allya'as ıkkiykan.

3 Ghal sı'ına geer axvas,

sidi'ınar ek'ra haq'varas.

4 Tanbalıs hucoomecad geed ıkkan ixheeyid, mana mançilqa hiyxhar deş,

kar ha'anar gyatsts'ı-gixhxhı eyxhe.

5 Qorkung'uk'le hor g'ımece eyxhe,

pisıng'veeme k'ap'ik'ıle avqa qaa'a, naş qa'a.

6 Məttına ı'mı'r haa'ana qorkuvalin havacena,

bınahnanar pisvalin yəqqı'le qığayhena.

7 İnsan vorna, cuqa vuççud dexheeyid, vuceecar-vuc karnana xhinne ıkkekka.

İnsanır vorna, cuqa kar geed ixheeyid, vuceecar-vuc kar deşda xhinne ıkkekka.

8 Karnang'ulqa ı'mı'r pılıka g'attixhanasın yiğ alles əxə,

kar deşing'uqa məxbına derd deşda.

9 Qopkuynbışde işixın yik' şada'a,

pisınbışda bazirıb k'əbəqqəna.

10 Vuceecar-vuc axtıra ıkkiyke aldatxhuniy gexha,

mısləhətıl k'ırı iliyxhena k'orana ək'elynana vor.

11 Xıl sidet'u hı'iyn kar ayk'anan,

dağamda hı'iyn karme hexxaxhen.

12 Ts'ıts'ooxhene umudun yik' ık'iyk'ar ha'a,

yik'eedınçilqa hirxhıliyid ı'mrene yivena* meyva opxhuniyk akar vod.

13 Mısləhət k'ane qıdyaa'ang'vee cukun ha'a,

əmr axtıba avqaaqang'usub mukaafat hele.

14 K'orane ək'elynanbışin xət qı'iy, ı'mı'r hoolene xhinek akar.

Mançin insan qik'uyne xhımıç'bışike sak'al ha'a.

15 K'orane ək'elynang'us hı'rmat giviyxhe

xaainna yəqı'b yı'q'ba vob.

16 Ək'elynang'vee ats'aalika iş g'ooce,

bəç'əree cuna beynyavavalla haagva.

17 Ts'om deşde xabar vukkekang'ulqa ver abaylena,

ts'omnane xabar vukkekang'vee yug qaa'a.

18 Terbiye ilydyaat'ana kar dena axva, k'ap'ik'ıle avqa qexhe,

aq'veeqa uvhiyne cuvabıl k'ırı iliyxhename hı'rmatıka eyxhena.

19 Yik'es ıkkanançilqa hirxhılyxhee, man yugda qadayle.

Beynyavayk'le pisınçile sapk'ılıy g'ımece eyxhe.

20 K'orane ək'elikang'uka hambaziyvalla haa'ana, vucur ək'elikana eyxhena,

beynyavayka axuyng'ulqab verxhe abaylena.

21 Bınahnana dağamiyvalla dena axva deş,

qorkung'una payıb barakat vobna.

22 Yugne insanee nevabışisınıd karxhe g'alyadaççen,

bınahnang'vee sı'iyn kar qorkung'us axvan.

23 Kar deşing'une çolun geed şagav huveeyid,

q'aanunun eyhenbı hidya'ane insanaaşike man axva deş.

24 Dixes çümq üvxəs qiviykkanne dekkıs, dix ıkkiykan deş.

Dix ıkkanang'vee dixes qotkuyn terbiye hele.

25 Qorkuna otxhun ayts'ena,

pisdame mıssıra axva.