1 Yizda dix, merıng'ul-alla cuvab himele,

ghalyaqa merıng'un şib qelesva ılymaat'a.

2 Deşxheene, ğu zibileeqa ayxhas,

yiğne cuvabıka ğu gugeeqa gixhas.

3 Yizda dix, ğu merıng'une xılyaqa girxhuxheene,

hoora, ğucar-ğu g'attixhan he'e,

mang'une ghalik avqa qixhe, miz k'ee'e.

4 Yiğne ulyaqa nyak' qımaylecen,

k'ak'bıd yı'q' qımeedaxhecen.

5 Ğucar ğu k'onayne xılençe ceyran xhinne,

şit' xhinne g'attixhan he'e.

6 Ğu tanbal, nətsxüreeşisqa hak'ne,

mançin g'oocene işika ilekke, ək'elika ixhe.

7 Mançiqa ç'ak'ınbı, ilyaakanbı,

vuk'lek vukkekkanbıb devxheeyib,

8 Mançin kar g'ı'lı'na haqqa,

çisın oxhanasın kar qiyşalang'a sa'a.

9 Tanbal, ğu nimeene g'alixhas?

Mısane nik'eençe oza qixhes?

10 Ğu sık'ırrar horku mırg he'ee,

g'el-xıl hotku g'alirxhvee,

11 kar deşiyvalla valqa ğu q'əra qa'as ı'qqəna xhinne,

kar g'idiyxhıriyvallab valqa g'uldur xhinne k'yophur ables.

12 Karaı'dəəna pisda insan,

horbı ha'a, iykar.

13 Mang'vee ul giviyxə,

g'elybışika işaarabı ha'a,

t'ubaaşika haagva.

14 Mang'une fıkreençe gırgıne gahbışil hor ı'lğəə,

mang'vee insanaaşine yı'q'nee gaf abaççe.

15 Mançil-allab mang'une vuk'lelqa sayangaba ver ables,

sayangara qukkyork'ul, ık'arıke yug qixhes dəxə axvas.

16 Rəbbis yixhılle kar g'ımece vod,

yighılled eyhes eyxhe:

17 merıng'uka ooğançe avqa ilyakkan uleppı,

horbı ha'ana miz,

nişilycab-alla eb k'yav'uyn xıleppı,

18 qəlasın ha'as fıkreençe ı'lğəən yik',

pisın ha'as zarada g'adayxhvanan g'elybı,

19 hor ha'ana şahad,

çocaaşine yı'q'nee aldatxhuniy adaççena insan.

20 Yizda dix, dekkın əmrbı havace,

yedee xət qı'iynbıd g'ılyma'a.

21 Manbışe uvhiynbı gırgıne gahbışil yik'el aqqe,

manbı gardanık qe'e.

22 İykarmee, mançin vas yəq haagvas,

g'ılexhamee, mançin ğu havacesda,

muğur qıxhameeyir, mançin vaka gaf haa'as.

23 İn əmrbı bazir xhinne vodunbı,

in vas xət qı'iynbı işix vodun.

Terbiyeyniy aq'veeqa uvhiyne cuvabın ı'mı'r xıliy qaa'a.

24 Mançin ğu yəqqı'le qığeyç'uyne,

ittune miznane zəiyfayke havaces.

25 Yik'ee məng'ı'na micagiyvalla vukmiykan,

məng'ı'ne k'ak'bışe ğu hot'alas hımaysar.

26 Yəqqı'le qığeyç'uyne zəiyfal-alla insan gıneyna xüvə dena axva,

şavneme zina ha'ane xhunaşşee insan ı'mreke ha'a.

27 T'ap'anbışil ts'anang'un,

tanalinbı gidyoyxhanee?

28 Ts'ayıl oğa iykarang'un,

g'elybı gidyoyxhanee?

29 Merıng'une xhunaşşeysqa ikkeç'unar məxür vor,

məxrıne zəiyfayk qet'unar cazaa dena axvas deş.

30 Sixnaree xhal qek'ava qöqəxhee,

mana k'ap'ik'ıle avqa qa'a deş.

31 Nəxürcar, məxrına insan xılyaqa arxhvee,

mang'vee yighnəqqees geed sak'al ha'as ıkkan,

xaa'ad vodun-deşin qeles ıkkan.

32 Zəiyfaykamee zina ha'ana ək'el deşda vor,

man ha'ang'vee cukun ha'an.

33 Məxrına k'ap'ik'ıle avqa qa'as, getasda,

mang'una bey'abıriyvallab nişincab hooğalas deş.

34 Məng'ı'na adamiy qəlın bahal qa'as,

məxrıng'uke adamee qəl qığaahamee, nişiqacar ilyakkas deş.

35 Nenecab payın mang'un ögü ı'xəs deş,

nen huveeyid, mana aqqas əxəs deş.