ಆದಿಕಾಂಡ 27

41 ಬಾನೆ ಯಾಕೋಬನ ಕರ‍್ಯೊತೆ ಆಶೀರ್ವಾದ್‍ನಖ್ಹಾಜೆ ಏಸಾವನೆ ಯಾಕೋಬ್‍ನ ವಹೇರ್‌ ಕರೀನ್ ಇನ ದಿಲ್‌ಮ, "ಬಾನಖ್ಹಾಜೆ ದುಖ್‍ ಕರಾನಿವಖ್ಹತ್‍ ಖನ್ನೆಅಯ್ಗಿ. ಇಮ್ಮಸ್‌ ಮಾರೊ ನ್ಹಾನೊ ಭೈ ಯಾಕೋಬನ ಮರ್‌ನಾಖಿಶ್" ಕರಿ ಬೋಲಿಲಿದೊ. 42 ಮೋಟೊ ಛಿಯ್ಯೊ ಏಸಾವನೆ ಬೋಲ್ಯೊತೆ ವಾತ್ ರೆಬೆಕ್ಕನ ಮಾಲುಮ್‍ ಪಡಾನಿವಖ್ಹ್‌ತೆ ಇನೆ ಇನೊ ನ್ಹಾನೊ ಛಿಯ್ಯೋ ಯಾಕೋಬನ ಬುಲೈನ್ ಇನ, "ದೇಕ್, ತಾರೊ ಮೋಟೊ ಭೈ ಏಸಾವನೆ ತುನಾ ಮಾರಿನ್ ದಾವೊಕಾಡ್ಣು ಕರಿ ಛಾ಼. 43 ಇನಖ್ಹಾಜೆ ಛಿಯ್ಯಾ, ಮಾರಿವಾತ್ನ ಖ್ಹಮಜ಼್; ತೂ ಹಾರಾನ್ಮ ಛಾ಼ತೆ ಮಾರೊ ಭೈ ಲಾಬಾನಕನ ಚ಼ಲ್ಯೋಜಾ಼. 44 ಥೋಡದನ್, ತಾರ ಭೈನೊ ಇರಾದೊ ಟುಟಾಲಗು ಇನಾಕನಸ್ ರ‍್ಹೆ. 45 ತಾರೊ ಭೈ ತೂ ಕರ‍್ಯೊತೆ ಇನ ಭೈಕಿನ್, ಇನೊ ಇರಾದೊ ತೋಡಿಲ್ಯವಾನಿ ವಖ್ಹ್‌ತೆ ಮೇ ತುನ ಹಿಜ್ಜಾ಼ಥಿ ಬುಲೈ ಮಂಗೈಶ್. ಮೇ ಎಕ್ಕಸ್‍ ದನ್ಮ ತುಮುನ ಭೇಜ಼ಣಾನ ಗುಮೈಲೆವ್ ಕಿಮ್?" ಕರಿಬೋಲಿ.