ಆದಿಕಾಂಡ 4

12 ತೂ ಧರ್ತಿನ ನಾಗ್‍ರ್ಯೊತೋಬಿ. ಯೊ ಅನಪಾರ್ ತುನ ಫಲ್‍ಕೋದಿಶೆನಿ, ತೂ ಧರ್ತಿಪರ್ ಘರ್‌ಕೊಂತೆ ಡುಂಡ್ವವವಾಳೊ ದ್ರೋಹಿಹುಯಿರಿಶ್" ಕರಿ ಬೊಲ್ಯೊ. 13 ತದೆ ಕಾಯಿನನೆ ಯೆಹೋವನ, "ಆ ನಿಶತ್‌ನು ಫಲ್ ನಾ ಖ್ಹಮಾಳಯೆತ್ರು ಹುಯಿರ‍್ಹುಸ್. 14 ಹಂದೇಕ್‌, ತೂ ಆ ಜ಼ಮಿನ್‌ಥು ಅಜು ತಾರಿ ಸನ್ನಿಧಿಕಂಥು ಮನ ನಖ್ಹಾಡಿದಿದೊನಿ! ಮೇ ಧರ್ತಿಮ ಘರ್‌ಕೊಂತೆ ವನ್‍ವನ್‍ತೊಫಂಡಾನು ಉಷೆ. ಅಜು಼ ಕೋಣ್‌ತೊಬಿ ಮನ ದೇಖವಾಳು ಮಾರಿನಾಕ್‌ಶೆ" ಕರಿ ಬೊಲ್ಯೊ. 15 ಕತೋಬಿ ಯೆಹೋವನೆ, "ಕೋಣ್‌ತೋಬಿ ತಾರ ಜಾನ್ನ ಕಾಡವಾಳಾನ ಖ್ಹಾತ್‍ಪಟ್ ಎತ್ರು ನಿಶತ್‍ಉಶೆ" ಕರಿ ಬೊಲ್ಯೊ. ಕಾಯಿನನ ದೇಖವಾಳುಖ್ಹಾರು ಮಾರಿನಾಕ್ಣುನಾತೆ ತಿಮ್ ಯೆಹೋವನೆ ಇನಾಪರ್ ಎಕ್ ಖ್ಹಣೇದ್ ಕರ‍್ಯೊ. 16 ತದೆ ಕಾಯಿನನೆ ಯೆಹೋವನ ಖ್ಹಾಮ್ಣೆ ಥೊ ನಿಕ್ಳಿನ್ ಏದೆನ್‍ನು ಪೂರಬ್ ದಿಕ್‍ಮಾಥು *4:16 ನೋದ್‌ಕತೊ ಡುಂಡ್ವಾವನೊ ಮುಲಕ್ ‘ನೋ‍ದ್’ ಕರಿ ಮುಲಕ್‌ಮ ರ‍್ಹಯೊ.