1 Mamwenye 19:1-8 | YNT2018

Che Elia akuutuchila ku chitumbi cha Sinai

1 Mwenye che Ahabu ŵaasimulile che Yesebeli ŵankwawo yose iŵaitesile che Elia ni yatite pakwaulaga ŵakulondola ŵa minungu Baali kwa lipanga. 2 Che Yesebeli ŵatumile utenga ku che Elia achitiji, "Ngulumbila kuti kusyene tinammulaje, kutandilila sano mpaka malaŵa katema mpela kanokano iŵaga nganime kummulaga, minungu jimbute ni jimulaje." 3 Che Elia ŵajogwepe ni ŵatisile kuti akaulajikwa, wapite ku Beli Sheba ku musi wa Yuda kuŵannesile jwakutumichila jwakwe. 4 Che Elia ŵajesile lwendo lwa lyuŵa limo mu ukweti. Ŵaiche ku chitela, ŵatemi pachiwilili pa chitela cho achipopelaga kuti awe, kwakuti, "Sambano ikwanile. Ambuje Akunnungu, njigale umi wangu, pakuŵa une nganima jwambone kwapunda achachekulu ŵangu."

5 Nipele che Elia ŵagonile kuusi chitela cho pelepo wagonile lugono. Papopo katumetume jwa Akunnungu ŵajimwisye ni kunsalila, "Njimuche nlye." 6 Che Elia ŵalolite kosekose ŵauweni nkate wechome pa makala ni chuupa cha meesi chiŵandi ni ntwe wakwe. Nipele ŵalile, ŵang’wele ni kugona sooni. 7 Katumetume jwa kwinani jwa Akunnungu jula jwannyichilile kaaŵili, ŵankwaiye ni kwasalila, "Njimuche nlye, iŵaga ngantenda yele ulendo wenu tiuŵe wakulimba." 8 Che Elia ŵajimwiche, ŵalile ni kung’wa. Paŵakwete machili ŵajesile ulendo wa moŵa alobaini musi ni chilo mpaka ku Sinai chitumbi cha Akunnungu.

Che Elia akuutuchila ku chitumbi cha Sinai

Estes versículos te tocaram? Ore agora!