Ŵakulamula 4

4 Kele katema ko kwaliji ni jwankongwe liina lyakwe che Debola juŵaliji ŵankwakwe che Lapidoti. Che Debola ŵaliji jwakulondola jwa Akunnungu, ni sooni jwaliji jwakulamula jwa Ŵaisilaeli. 5 Che Debola yanonyelaga kutama paasi pa chitela cha ntende chichaliji pasikati ja ku Lama ni ku Beseli mu chilambo cha ikwesya cha Efulaimu. Ŵaisilaeli ŵannyichililaga pelepo kuti ŵaalamulile magambo gao.