4 Vuzavaguɗu wi ta̱ A̱Ꞌisa̱ a gbayin a ciɗa a̱ ni,
kakuba ko tsugono ci ni ki ta̱ ɗe gaɗi.
a̱shi a̱ ni a kindana uma a̱ ubuta̱ dem,
a̱ kula̱na̱ ili i na uma i a kuyaꞋan dem.
5 Vuzavaguɗu u tsu kondo ta̱ vuza vu usuɓi,
n vuza gbani-gbani,
u tsu iwan ta̱ aza a na a cigai kawuya,
6 Wi ta̱ a̱ kusuku akina n Farinwuta,
u uma a gbani-gbani,
wunla̱i wu usuɗukpi u ɗa u ko okpo upecu u le.
7 Adama a na Vuzavaguɗu vuza vu usuɓi ɗa,
u ciga ta̱ ulinga wu usuɓi,
uma a usuɓi i ta̱ e kene a̱shi a̱ ni.