1 Cikpai Vuzavaguɗu.

Cikpai ni, a̱ɗa̱ agbashi a̱ ni,

Cikpai kula ku Vuzavaguɗu.

2 YaꞋan kula ku Vuzavaguɗu ku ciya̱ ucikpi,

gogo na n kowanai.

3 I na i ɗikai a̱ wuti u kanna

a kubana ubuta̱ u na ka̱ ci yikpa̱,

u yotso ta̱ a cikpa kula ku Vuzavaguɗu.

4 Tsugbayin tsu Vuzavaguɗu

tsu laꞋa ta̱ uduniyan ra̱ka̱,

tsugbayin ci ni kpamu ci ta̱ a gaɗi va̱ a̱da̱nga̱shile.

5 Yayi wi lo tsu Vuzavaguɗu Ka̱shile ka̱ tsu,

a̱yi na wi a̱ ida̱shi a kakuba ko tsugono ci ni gaɗi?

6 Yayi wi lo ci nu,

a̱yi na u tsu za̱lika̱ ka̱ta̱ u la̱na̱

gaɗi n aduniyan?

7 U tsu ɗa̱ngusa̱ ta̱ aza a unambi

a̱ ka̱tsuma̱ ka unambi u le,

ka̱ta̱ u zuwa aza a na i a iɗika a̱ ɗa̱nga̱.

8 U zuwa le a lyaꞋa koɓolo m muku mu ngono,

m muku mu ngono n uma e le

9 U tsu zuwa ta̱ madari ma da̱sa̱ngu a kpaꞋa ku ni,

m ma̱za̱nga̱ tsu vuka vu na vi m muku.

Cikpai Vuzavaguɗu.