1 Vuzavaguɗu,

yayi u ku uwa a̱ Ma̱va̱li mo oɓolo ma̱ nu?

Yayi u kuda̱sa̱ngu a Sihiyona,

kusan ku ciɗa?

2 Sai vuza na wi a kuyaꞋan kamayu,

vuza na wi a kuyaꞋan ili yi usuɓi,

vuza na kpamu wi a kudansa kamayu

a̱ ka̱ɗu ka̱ni,

3 Vuza na u tsu la̱nga̱sa̱ kula ku vuza yoku ba,

Vuza na u ci yaꞋanka a̱ja̱Ꞌa̱ a̱ ni ka gbani-gbani ba,

ko u yaꞋan kadanshi ka gbani-gbani

adama vuza na i a̱ ida̱shi ɗeɗevu ba.

4 Vuza na u tsu goyo aza a na Ka̱shile ka inwai,

ama u tsu neke ta̱ tsugbayin wa aza na o kutono Vuzavaguɗu.

U tsu shatangu ta̱ uzuwakpani u ni,

ko niniɗai baci ka yaꞋin,

5 Vuza na u tsu neke okopu babu kodokpotsu,

u ci isa kalyaꞋa adama a na wo okpo magan ma aꞋuwa,

u vuza babu unushi ba.

Vuza na baci u yaꞋin nannai wi ta̱ a kushamgba mayin ko wannai.