Salmos 32

Kushika̱ ku unushi n kucinukpa ku unushi.

1 Vuza vu ma̱za̱nga̱ ɗa,

vuza na a cinukpai unushi u ni,

vuza na a takpai unushi u ni.✝32:1 Rom 4:7-8

2 Vuza vu ma̱za̱nga̱ ɗa,

vuza na Vuzavaguɗu wi a ku ula yi n unushi ba,

kpamu a̱ ciya̱ ka gbani-gbani wa̱ a̱ ni ba.

3 Ana n shika̱i unushi u va̱ ba,

Mo oꞋusoi ka̱ci ka̱ va̱ kanna dem a̱ ma̱shi.

4 Vuzavaguɗu, vu takacika mu ta̱ kanna n kayin,

utsura u va̱ u kotsoi ra̱ka̱,

tsu na mita̱ me ci ɗekpe,

adama a usuɗukpi u kanna ka ayin a kpandari. Kuvuka

5 Ɗa n shika̱i unushi u va̱ wa̱ a̱ nu,

n sokongu unushi u va̱ ba.

N danai, <<Mi ta̱ a̱ kushika̱ unushi u va̱ u Vuzavaguɗu.>>

Ɗa tana vu cinukpakai mu unushi u va̱. Kuvuka

6 Adama a nannai yaba dem na wi o kutono wu,

wi ta̱ a kuvasa wa̱ a̱ nu, a makyan ma atakaci,

a makyan ma na kawuya ka̱ ta̱wa̱i le tsu mini ma na ma ayai,

mi a kuyawa wu e le ba.