1 Samuel 17

45 दाऊदे पलिश्तिए खे बोलेया, "तूँ तो तलवार, भाल़ा ओर कटार लई की मांगे आऊणे लगी रा, पर आऊँ सेना रे परमेशर यहोवे रे नाओं ते तांगे आऊणे लगी रा, जो इस्राएली सेना रा परमेशर ए ओर तैं सेई ललकारी राखेया! 46 आज यहोवे तूँ मेरे जरीये अराई देणा, मां तूँ काणा, तेरा सिर तेरे धड़ो ते लग करना ओर मां आज पलिश्ती सिपाईया रिया लाशा सर्गो रे पंछिया खे ओर तरतिया रे जानवरा खे देई देणियां, तेबे सारी तरतिया रे लोका खे पता लगी जाणा कि इस्राएलो दे एक परमेशर आ। 47 तेबे एती जितणे लोक ए तिना सबी बी जाणी लणा कि यहोवा तलवार या भाल़े रे जरीये नि बचांदा, कऊँकि लड़ाई यहोवे री ए ओर तेस ई तुसे म्हारे जरीये अराणे।"