1 सेमुएल 6

वादे रे सन्दूको रा वापस इस्राएलो दे आऊणा

1 यहोवे रे वादे रा सन्दूक पलिश्तिया रे देशो दे सात मीन्ने रया। 2 तेबे पलिश्ती लोके पुजारी ओर भविष्यबाणी बोलणे वाल़ेया खे बुलाई की पूछेया, "यहोवे रा सन्दूक जो आसा गे आ तेतेरा आसे क्या करिए? आसा गे बताओ कि आसे तेसखे तेसरिया जगा दे किंयाँ पेजिये?" 3 तिने ज्वाब दित्तेया, "जे तुसे इस्राएलो रे देवते रा सन्दूक तेती पेजो, तो से ईंयाँ ई नि पेजणा, तेतेरा प्राश्चित करने खे जरूर दोषबलि देणी। तेबे तुसे ठीक ऊई जाणे ओर तुसा जाणी लणा कि ये सब तेसरिया ई तरफा ते था जेसरिया बजा ते ये मुसीबत आई थी।"