Luka 7

Yesu ekumchulubucha mwana va maye mwigane

11 Pambele ludodo, Yesu akahele ku mwani weukemeliwe Naini na vachulila vake, lipinga likomi lya vanu vakalongochine. 12 Peakali pepi na mlyangilo mkomi va mwani, vahumie vanu vamnyamuwe lifimba lya mdimi, mwana yeiyena va maye mwigane. Vanu volofu va mwani wula vakali pamwi na maye yula. 13 Mtwa Yesu peamwene maye yula, akamwonie lusungu, akamlongie, "Bihile kuvemba." 14 Baho ahegelie pepi akalibyalisa lila luhaga, vala vevakali vamnyamue vakaemile, Yesu alongile, "Mdimi! Ndikulongela wime!" 15 Yula mdimi yeafue akalamwika na akalile na akavanga kulonga. Yesu akamyamue akamsindike kwa maye.

16 Vanu vonda vakaogofya, vavangile kumunjuma Nguluvi vakilonga, "Mvichi mkomi va Nguluvi atuhumile mugati yetu. Nguluvi achile kuvawokola vanu vake."

17 Njowo icho cheagitile Yesu chikalutie ponda muinyi lya Yudea na ku inyi chonda cha pepi.