Provérbios 2

ଗିଆନ୍‌ ରେମୁଆଁନେ ସାମୁଆଁ

1 ଅ ନିଂନେ ଉଙ୍ଗ୍‌, ନାଁ ଅଃନା ନିଂନେ ସାମୁଆଁ ଗ୍ର‍ଅନ୍‌ ନାଡିଂଏ ଆରି ନିଂନେ ଆଦେସ୍‌ ସାପା ମନେ ନାବ‍ଏ; 2 ଅଃନା ଗିଆନ୍‌ ପାକା ନାନେ ନ୍ଲୁଗ୍‌ ନାବିଃଏ ଆରି ବୁଦିଅରିଆ ମନ୍‌ ନାବିଃଏ; 3 ହାଁ, ଅଃନା ନା ନିମାଣ୍ଡାଃ ବାବ୍‌ନାକେ ନାୱାଏ ଆରି ବୁଦି ଆତ୍‌ଲା ଜାବର୍‌ ନାୱାଃସାର୍‌ଏ; 4 ଅଃନା ରୁପାନେ ସତ୍‌କେ ନାତୁର୍‌ଏ ଆରି ବୁଃଡ଼ିକ୍ନେ ଦନ୍‌ ରକମ୍‌ ଆମେକେ ନାପାତୁର୍‌; 5 ତେଲା ନା ମାପ୍‌ରୁନେ ବିସ‍ଏରେ ବୁଟନେ ନାବୁଜେଏ ଆରି ପର୍‌ମେସର୍‌ନେ ବିସ‍ଏରେ ସାପା ଗିଆନ୍‌ ନାବାଏ । 6 ମେଃଡାଗ୍‌ଲା ମାପ୍‌ରୁ ଗିଆନ୍‌ ବିଃଡିଂକେ, ମେଁନେ ତୁମୁଁଆଃବାନ୍‌ ଗିଆନ୍‌ ଆରି ବୁଦି ତାର୍‌ମ୍ୟାଃକେ ।