ጾሳ ቦንቹ ጌሻ ጎልያፐ ሻከቴዳ
1 ታን ጼልያ ዎደ ሳምፔርያ ግያ እንቁዋፐ ኦሰቴዳ ካዉተ አራታ ማላትያ ክሩበቱዋ ሁጲያፐ ቦላ ባጋና ደእያ ምጨቴዳ ሳሉዋ ጉፋንዋ ማላትያዋን ደእያዋ በኣድ።10:1 ህዝ. 1:26፤ ሳፃ 4:2 2 ሊኑዋ ማዬዳ ብታንያ መና ጎዳይ ሀዋዳን ያጌዳ፤ "ክሩበቱዋፐ ጋርሳ ባጋና ይንግርያዋን ግዱዋና አ ባ፤ ሄዋፐ ጺጹን ቦንቁዋ ነ ኩሽያን ኮጰታ አካደ፥ ካታማ ቦላ ላላ" ያጌዳ።10:2 ሳፃ 8:5
ታን ጼልሽን፥ ታማ አካናዉ ገሌዳ። 3 ብታኒ ገልያ ዎደ፥ ክሩበቱ ጌሻ ጎልያፐ ገድሳ ባጋና ኤቄድኖ፤ ግዶ ዳባባካ ሻሪ ኩሜዳ። 4 መና ጎዳ ቦንቹ ክሩበቱዋ ቦላፐ ደንዲደ፥ ጌሻ ጎልያ ፐንግያ ጉባንያኮ ቢደ ኤቄዳ። ሻሪ ጌሻ ጎልያ ኩሜዳ፤ ዳባባይካ መና ጎዳ ቦንቹዋ ጶለን ኩሜዳ። 5 ክሩበቱዋ ቀፍያ ጊረይ ኡባ ሞድያ ጾሳይ ሃሳዮደ ስሰትያ ኮሻዳን፥ ካረ ዳባባን ስሰቴ።
6 ሊኑዋ ማዬዳ ብታንያ መና ጎዳይ፥ "ክሩበቱዋ ጋርሳ ባጋ ይንግርያዋ ግዶፐ ታማ አካ" ያጊደ አዛዝና፥ እ ገሊደ እት ይንግረትያዋ ምይያን ኤቄዳ። 7 ክሩበቱዋፐ እቱ ባረንቱ ግዶን ደእያ ታማኮ ባረ ኩሽያ የዲደ፥ አፐ ጉ አኪደ፥ ላይኑዋ ማዬዳ ብታንያ ኩሽያን ዎና፥ እካ አኪደ ከሴዳ። 8 ክሩበቱዋ ቀፍያፐ ጋርሳ ባጋና አሳ ኩሽያ ማላትያዌ ደኤ።
9 ታን ጼልያ ዎደ፥ ክሩበቱዋ ምየ ባጋ ኦይዱ ይንግሮቱ ደኢኖ፤ እት ክሩብያ ምይያን እት እት ይንግሪ ደእያዋ በኣድ፤ ሄ ይንግረቱ እንቁዋዳን ጶሊኖ። 10 ኡንቱንቱ ኦይዱካ እቱ እቱዋ ማላቲኖ፤ እት እርዙ ላኡ እርዙዋ ግዲደ መቴዳ፤ እቱ እቱዋ ግዱዋና ካን ኡቴዳ።10:10 ህዝ. 1:15-21 11 ክሩበቱ ብያ ዎደ፥ ኦይዱ ባጋዉካ ያነ ሃነ ስመናን ቢኖ፤ እት ይንግረይ ቤዳ ጌዱዋ የንኮ ይንግረትያዋንቱ ያነ ሃነ ስመናን ኦይዱዋፐ እቱዋ ሁጲ ስሞ ሳኣ ስት ጊደ ቢኖ። 12 ኡንቱንቱ ኩመን ቦላን፥ ሄዌነ ኡንቱንቱ ዞኩዋን፥ ኡንቱንቱ ኩሽያን፥ ኡንቱንቱ ቀፍያንነ ኡንቱንቱ ኦይዱ ይንግረትያዋንቱን አይፊ ኩሜዳ።10:12 ሳፃ 4:8 13 ታን ስስሽን፥ ይንግረትያዋንቱ ኤሌልያ ይንግረትያዋንታ ጌተት ጼሰቴድኖ። 14 እት እት ክሩብያዉ ኦይዱ ሶምኢ ደኤ። እት ሶምኢ ክሩብያ ሶምኡዋ፥ ላኤን አሳ ሶምኡዋ፥ ሄዘን ጋሙዋ ሶምኡዋነ፥ ኦይደን አርጋን ሶምኡዋ።10:14 ህዝ. 1:10፤ ሳፃ 4:7
15 ሄዋፐ ጉይያን፥ ክሩበቱ ፑደ ደንዴድኖ። ሀዋንቱ ታን ካባራ ሻፋ ማታን በኤዳ ፓጻ ደእያ መታቱዋ። 16 ቃይ ክሩበቱ ብያ ዎደ፥ ኡንቱንቱ ምየ ባጋን ደእያ እርዞቱካ ቡሉሊኖ፤ ቃይ ክሩበቱ ቢታፐ ፑደ ደንዳናዉ ባረንቱ ቀፍያ ምጭያ ዎደካ ይንግረትያዋንቱ ኡንቱንቱ ምይያፐ ሻከትክኖ። 17 ኡንቱንቱ ኤቂያ ዎደ፥ ይንግረቱካ ኤቂኖ፤ ቃይ ኡንቱንቱ ቢታፐ ፑደ ደንድያ ዎደ፥ ኡንቱንቱካ ደንዲኖ። ሄዌካ ፓጻ ደእያ መታቱ አያናቱ ኡንቱንቱን ደእያ ድራሳ።
18 ሄዋፐ ጉይያን፥ መና ጎዳ ቦንቹ ጌሻ ጎልያ ፐንግያፐ ደንዲደ፥ ክሩበቱዋፐ ቦላ ባጋን ኤቄዳ። 19 ታን ጼልሽን፥ ክሩበቱ ባረንቱ ቀፍያ ምጪደ፥ ይንግረትያዋናካ እትፐ ቢታፐ ፑደ ደንዴድኖ። ኡንቱንቱ መና ጎዳ ጎልያ አዋይ ዶልያ ባጋን ደእያ ድርሳ ፐንግያና ኤቄድኖ፤ እስራኤልያ ጾሳ ቦንቹካ ኡንቱንቱፐ ቦላ ባጋና ደኤ።
20 ሀዋንቱ ካባራ ሻፋን ታን እስራኤልያ ጾሳፐ ጋርሳ ባጋና በኤዳ ፓጻ መታቱዋ፤ ቃይ ኡንቱንቱ ክሩበቱዋ ግድያዋ ታን ኤራድ። 21 ኡንቱንቶ ኡባዉካ ኦይዱ ኦይዱ ሶምኦቱነ፥ ኦይዱ ኦይዱ ቀፈቱ ደኢኖ፤ ኡንቱንቱ ቀፈቱዋፐ ጋርሳ ባጋና አሳ ኩሸቱዋ ማላትያዌ ደኤ። 22 ኡንቱንቱ ሶምኦቱ ካባራ ሻፋ ማታን ታን በኤዳ ሶምኦቱዋ ማላቲኖ። ኡንቱንቱ ኡባይካ ስት ጊደ፥ ስንዉ ቢኖ።