ህዝቄላ 47

ጌሻ ጎልያ ጋርሳፐ ፑልትያ ሃ

1 ሄ ብታኒ ዛሪደ፥ ታና ጌሻ ጎልያ ገልያሳ አፌዳ። ጌሻ ጎልያ ገልያ ፐንግያፐ ጋርሳና ሃይ ፑልቲደ፥ ጌሻ ጎልያፐ አዋይ ዶልያ ባጋ ጎጌ። ጋሱካ መና ጎዳ ጌሻ ጎሊያ ፐንጊ አዋይ ዶልያ ባጋፐ ስንና ደኤ። ጌሻ ጎልያዉ ገድሳ ባጋና ዱገ ጎጊደ፥ ያርሽያ ሳፐ ገድሳ ባጋና አ።✝47:1 ዛካ. 14:8፤ ዮሃ. 7:38፤ ሳፃ 22:1 2 እ ታና ሁጲሳ ፐንግያ ባጋና ከሲደ፥ አዋይ ዶልያ ባጋ ጼልያ ፐንግያ ዩሹዋና ካለደ አፌዳ። ሄ ፐንግያፐ ገድሳ ባጋና ሃይ ጎጌ።

3 ሄ ብታኒ ልክያ ሜትርያ ባረ ኩሽያን ኦይቂደ፥ አዋይ ዶልያ ባጋ ቢደ፥ ጎግያ ሃ ካሊደ፥ 1,000 ዋ ልኬዳ። ታና ሃ ግዱዋና ካለዳ፤ ሃይ ታዉ ሜሽ መቀ ጋኬ። 4 ላኤንዋካ 1,000 ዋ ልኪደ፥ ሃ ግዱዋና ታና ካለዳ። ሃይ ታዉ ጉልባታ ጋኬዳ። ቃይ 1,000 ዋ ልኪደ፥ ታና ሃ ግዱዋና ካለዳ። ሄ ዎደ ሃይ ታዉ ጼሳ ጋኬዳ። 5 እ ቃይካ 1,000 ዋ ልኬዳ። ሽን ሄ ሃይ ዳሮ ጪማ ግዴዳ ድራዉ፥ ታን ፕናናዉ ዳንዳያበይከ፤ እ አሳይ ዋናን ፕናናዉ ዳንዳየና ሻፋ ግዴዳ። 6 ሄ ብታኒ ታና፥ "ላ አሳ ናአዉ፥ ሀዋ በኣድ?" ያጌዳ።

ሄዋፐ ጉይያን፥ እ ታና ሻፋ ጋጻዉ ጉየ ዛሬዳ። 7 ታን ስማደ ያ ጋክያ ዎደ፥ ሻፋ ዶናን ሀ ባጋናነ ያ ባጋና ሎይ ዳሮ ምይ ደእያዋ በኣድ። 8 እ ታና ሀዋዳን ያጌዳ፤ "ሀ ሃይ አዋይ ዶልያ ባጋ ቢታዉ ጎጊደ፥ አራባ ዎምባን ገሌ። እ ሄዋን ጎገና ማጽንያ አባን ገልያ ዎደ፥ ሄ ሃይ ኦራጺደ፥ ጽሎ ሃ ከሴ። 9 ሀ ሻፋይ ጎጊደ ብያ ሳኣን ደእያ፥ ሻምእ ግያ መታቱ ኡባይ ፓጻ ደአና፤ ቃይ ሄ ሻፋይ ያ ጎጊደ፥ አባ ሃ ኦራጽሲደ ጽልስያ ድራዉ፥ ፓይዱዋን ዳሮ ጮራቴዳ ሞለቱ ያን ደአና። ሄዋፐ ደንዴዳዋን፥ ሄ ሻፋይ ጎግያሳን ደእያባይ ኡባይ ፓጻ ደአና። 10 ሞልያ ኦይቂያዋንቱ አባ ዶናን ኤቃና፤ ኤንጋዳፐ ቢደ ኤን-ኤግላይማ ጋካናዉ ደእያ ሳአይ ግትያ ምጭያ ሳኣ ግዳና። ሜድተራነ አባን ደእያ ሞለቱዋዳን፥ ሄዋንካ ዳሮ ዱማ ዱማ ቆሞ ሞለቱ ደአና። 11 ሽን አባ ዶናን ደእያ ጫሪነ ሃይ ኩሞ ኦላይ ማጽነ ግዲደ አታናፐ አትና፥ ኦራጽክኖ። 12 ሄ ሻፋ ዶናን ሀ ባጋናነ ያ ባጋና ምያ አይፍያ አይፍያ፥ ዳሮ ዱማ ዱማ ቆሞ ምቱ ደአና። ኡንቱንቱ ሀይይ ቆቆፈተና፤ አይፍያዋካ አግክኖ። ጌሻ ጎልያፐ ከስያ ሃይ ኡንቱንቱኮ ጎግያ ድራዉ፥ ኡንቱንቱ አግናን አግናን ኦራ አይፍያ አይፋና። ኡንቱንቱ አይፌዳ አይፊ ቁማ ግዳናዋ፤ ኡንቱንቱ ሀይይካ ለ ግዳናዋ" ያጌ።✝47:12 ሳፃ 22:2

ቢታ ዛዋቱዋ

13 ኡባ ሞድያ መና ጎዳይ ሀዋዳን ያጌ፤ "እስራኤልያ ዛረቶ ታማነ ላአቶ ቢታ ላታ ጋድያ ኦደ፥ ኔን ሻካና ዛዋይ ሀዋ። ዮሴፎ ዛረቶ ላኡ ሳማይ እመቶ። 14 ታን ካሰ ህንተ ማይዛ አዋቶ ሀ ቢታ ላትሳናዉ ታ ኩሽያ ደንደ ጫቃድ፤ ሀእ ህንተ ኡባይካ ልክያን ሻኪደ ላትተ።

15 "ቢታዉ ሁጲሳ ባጋ ዛዋይ ሀዋ: ሜድተራነ አባፐ ደንዲደ፥ ሄትሎና ካታማነ ሀማታ ፕኑዋ አደ፥ ጸዳደ ካታማ ጋኬ። 16 ሄዋፐ ቃይ ዳማስቆፐነ ሀማታፐ ግዶ ዛዋን ደእያ በሮታነ ስብራይማ ካታማቱዋ አደ፥ ሀዉራና ዛዋን ደእያ ቲኮና*47:16 ቲኮና፦ እብራዌዋን ሀዘር-ሀትኮን ጌተቴ። ካታማ ጋኬ። 17 ሄዎ እስራኤልያ ቢታዉ ዛዋይ ሀማታ ቢታ ሁጲሳ ባጋዉ አጊደ፥ ሜድተራነ አባፐ አዋይ ዶልያ ባጋ ቢደ፥ ዳማስቆ ቢታ ዛዋን ደእያ ሀጻር-ኤናና ካታማ ጋኬ።

18 "አዋይ ዶልያ ባጋ ዛዋይ ሀጻር-ኤናናፐ ደንዲደ፥ ዳማስቆፐነ ሀዉራናፐ ግዱዋና አ። ሄዋፐ ቃይ እስራኤልያፐነ ጋላኣደፐ ግዱዋን ደእያ ዮርዳኖሳ ሻፋን ዛዋቲደ፥ ማጽንያ አባ አደ ቢደ፥ ታማራ ካታማ ጋኬ።

19 "ገድሳ ባጋ ዛዋይ ታማራፐ ደንዲደ ቢደ፥ ማሪባ-ቃዴሳን ደእያ ፑልቱዋ ጋኬ። ሄዋፐ ሁጲሳና አዋይ ዉልያ ባጋ ኦይቅክቂደ፥ ግብጼ ሻፋ ካሊደ ቢደ፥ ሜድትራንያ አባ ጋኬ።

20 "አዋይ ዉልያ ባጋ ዛዋይ ሜድተራነ አባ ግዲደ፥ ሁጲሳ ባጋና አደ ሀማተን ዛዋቴ።

21 "ሄዋ ድራዉ፥ ሀ ቢታ እስራኤልያ ዛራቱዋ ፓይዱዋ ልክያን ሻክ አክተ። 22 ህንተዉነ ህንተ ግዶን ናናቱዋ የሊደ ደእያ በተቶ ቢታ ላታ ኦደ ሻክተ። ኡንቱንታ ህንተ ህንተ ቢታን የለቴዳ እስራኤልያ አሳዳን ጼልተ። ኡንቱንቱ ህንተናና እትፐ እስራኤልያ ዛራቱዋና ጋድያ ሳማን አክኖ። 23 በቲ እስራኤልያን አይ ዛርያና ደኦፐካ፥ ሄ እ ደእያ ዛርያ ግዶን አዉ ላታ ቢታ እምተ። ታን ኡባ ሞድያ መና ጎዳይ ሀዋ ኦዳይ።