Paulus un Barnabas gonen uteneen
36 Oba no atelje Doag säd Paulus to Barnabas: Well wie wada trigj-gonen en aul de Städa, de Breeda besieekjen, en dee wie däm Harn sien Wuat jeprädicht haben, om to seenen, woo äant daut jeit. 37 Oba Barnabas root to, daut see Johanes, dee Markus jenant woat, met sikj neemen. 38 Paulus oba hilt daut nich fa goot, daut see dän metnämen wudden, dee en Pamfielien äant veloten haud un wia nich met äant jekomen en daut Woakj. 39 Un see kjeemen sikj soo schoap jäajenäwa, daut see sikj von-enaunda tranden; un Barnabas neem Markus un säajeld no Ziepern. 40 Oba Paulus wäld Silas un veleet, däm Gott siene Jnod aunbefolen wia von de Breeda. 41 Hee jinkj derch Sierien un Zilizien un stoakjt de Jemeenten.