Evangelium Matäus 20

Jesus lieet äwa aundre deenen

20 Dan kjeem de Mutta von Zebedäus siene Kjinja met äare Säns no Am aunbädent, om waut von Am to bedden. 21 Hee oba säd to ar: Waut west du? See säd to Am: Saj, daut dise, miene twee Säns, en dien Kjennichrikj setten kjennen, eena to diene rajchte Sied un eena to diene Linkje. 22 Oba Jesus auntwuad un säd: Jie weeten nich, no waut jie froagen. Kjenn jie dän Drinkj drinkjen, dän Ekj drinkjen woa, un jedeept woaren met de Doop, wuamet Ekj jedeept woa? See säden to Am: Daut kjenn wie. 23 Un Hee säd to äant: Jie woaren woll mienen Drinkj drinkjen un jedeept woaren met de Doop, wuamet Ekj jedeept woa; oba aun miene rajchte un aun miene linkje Sied setten, es nich miene Sach, to jäwen, oba daut es fa dee, dee daut von mienem Voda reedjemoakt es.