Mateus 24

De Tiet-Tieekjens un daut Enj

3 Un aus Hee opp däm Oliewen-Boajch saut, kjeemen de Jinja oppoat no Am un säden: Saj ons, wanea woat daut aula passieren? Un waut woat daut Tieekjen von dien Komen sennen un daut Welt-Enj?

4 Un Jesus auntwuad un säd to äant: Seet junt väa, daut junt kjeena veleiden woat. 5 Wiels doa woaren väle en mienem Nomen komen un sajen: Ekj sie de Christus, un dee woaren väle veleiden. 6 Un jie woaren von Kjriej un Kjriejes-Jeschrechs hieren; seet too, veschrakjt nich; wiels aul dit mott passieren; oba daut Enj es noch nich.