Mateus 3

Johanes de Deepa, Prädicht

1 En dise Doag kjeem Johanes de Deepa un prädijd en de Wiltnis von Judäa 2 un säd: Doot Busse, wiels daut Himmelrikj es dichtbie jekomen! 3 Dit es dee, von däm doa jesajcht es derch dän Profeet Jesaja, dee doa säd: "Eene Stemm von een Roopenda en de Wiltnis: Moakt däm Harn sien Wajch reed, un moakt siene Stäaj jlikj." 4 Hee oba, Johanes, haud siene Kjleedie von Kameelhoa un eenen Ladagort om siene Lint, un sien Äten wia Heischrakjen un willa Honnich. 5 Dan jinkj no am rut Jerusalem un gaunz Judäa un de Jäajent runtom dän Jordan, 6 un see worden von am em Jordan jedeept un bekjanden äare Sinden.