4 Gaatike qachchinaa’n dageeki, Goliyaadi hiyyemaaka mitti janni manjichchi, Filsixeemike mannixxe kaanbe giddi’n fule dage; isixxe hojjaki qeerrnni sase meetirenna taakkotemman.
33 Sa’oolinna Daawwiti’i, «Ati ooseten; isi oosumande’n lolake’n nophpheeke kademmaxxee konne Filisixeemichcho marite lola dandetabexxon» hiyye hiisse haaso’e.
37 Daawwitinna lebeexxi, biiniichchike afo’inaa’n anee anjireek Duuchchi Woddik Gootti konne Filisixeemichchiinxe anganaa’ninna ane’e anjiraan.»
Sa’oolinna, «Eloxxen! Duuchchi Woddiki Gootti atinni hedhuun, me’i!» 40 Ookkoneechchinni udumi’a Siqqichcho adhdheexxi, onde kuku’michcha kinjo lagii’n file aadheexxi allaleti woddixxe subbi giddo uggudheexxi looyyatanna adhdhee Filisixeemichchiinbaa shikki hiyye mare.
45 Daawwitinna Filisixeemichchoke’n hiisse haaso’e hiyyee qici, «Ati wolaantichcha, bagedokanna marca abixxite aniba’a daggeten; ani kinni ati geeqqishshaateke Dada Duuchcha Ajajaak Duuchchi Woddika Gootta, Isira’eelike sannachchike Magenike summinni ate’n dagaannen.
49 Daawwitinna anga subbi giddi’a luqqu’mi asse mitte kinjo aadhdhe’e Goliyaadi’n looyye; kinjikinna Goliyaadike kallachcha’n mare lixe; Goliyaadinna buttinake’n gonbiseme ibe.