Atos 2

41 Insa’nenaa’ni heddi manni hiyyichcho isika adhdheexxi xamaqeme; eettenne barra’n sase kuma geyyaaki manni amane insa’ne’ni lebeme.

Amane Mannixxa Mittoominxa Hedho

42 Insa’nenna ergameeyyetixxe barachchiisa baranta’ni, dayyummati mitteba he’naa’ni, itatanna mitteba indaa’nee, soodachchote’n jabaanta’neemman. 43 Ergameeyyetixxe anga’ni heddo massuwwanna beessisuwwi hujemeemmaxxee duuchchinge manna’ni soda’a galde. 44 Amaneeki duuchchi mittummaati mitteba hedha’nemmaan; anfeexxi yaane duuchcha mittummatixxemman.✝2:44 Erga. Huj. 4:32-35. 45 Boguwwakanna karruwa insa’neexxa gurgurra’ni maalaqa ookkonee mitte mittengee hasee qicika qoonda’neemman. 46 Barra barrande’ni woyyichchi galmi giddo mitteba bukki hinnaa’n mine mine insa’neeke’ni gammashshotinna gugurto afebaaxxe qalbenni itta inda’nemman. 47 Magenokanna saanda’nemman manni duuchchinna insa’nee ulfeesa’nemmani; Goottikinna barra barrande’ni anjirememmak manna insa’ne’ni leba’nemani.