Lucas 9

Yessuusixxe Hordofeeyye’ni Geltaaxxa Rakko

57 Yessuusinna hordofeeyye ifixxenni welt me’ande’n ora he’neenaa’a mitti manjichchi isoo, «Ati me’itattoba duuchcha atee’e hordofonna’a hasa’enen» hiyye.

58 Yessuusinna «Jeedal ifinxe bale afe’een, ci’atinna ifinge mine affe’een, yaane kinni Manjiink Belti umo uggaaxxa ifixxa bakka afebaan» hiyye hiisse haaso’e. 59 Welenga manjichcho, «Anee hordof» hiyye.

Yaane kinni manjichchi iikki iso’o «Gootta edise anna anka mare moogonna’a ani’a eetii uwwi» hiyye.

60 Yessuusinna isoo, «Reyaak manni ifika reyeeka manna mooqquun waali; ati kinni martettexxi Mageniinxa mootumma lallab» hiyye. 61 Mitti weleng manjichchinna «Goottaa ani ate’e hordofannon, yaane kinni edise mini hado anka marennexxi nage’ik hedhe hiyyonna’a ani’a eeti uwwi» hiyye.✝9:61 1 Moy. 19:20.

62 Yessuusinna «hujo’a qotto anga abixeexxi udumi’a uudaak manji Mageniinxe mootummanni me’aakebaan» hiyye hiisse haaso’e.