Mateus 17

Galmiinxa Irbo Uwwa

24 Yessuusi ifixxe hordofeeyyenni welti Qifirnahoomi geyee wodda galmiinxa irbo bukkassaammak manni Pheexiroosibaa shikki hiyyeexxi, «Barachchiisalli ha’nook galmiinxa irbo uwwa gophaata?» hiyye isoo qore.✝17:24 Fula. 30:13; 38:26. 25 Pheexiroosinna «Eeti, uwwaan» hiyye hiise haaso’e.

Pheexiroosi mini’a e’yee wodda Yessuusi ediseexxi, «Koo Simi’ooni ate’n maa labbaa?» isinna hiisseexxi «Buttik moyanjuwwi qaraxakanna irbo aadhaak ayyenaa’nite? Ifixxe oosenaa’nite moo yookaan wele manninaa’nite» hiyye qore. 26 Pheexiroosinna «Wele bogike mannanaa’niten» hiyye hiisse haaso’e.

Yessuusinna «Yoona insa’ne oose irbo uatabaan hiyyatebaataa?» 27 «Yaane kinni insa’ne’a gufote kandabe’noshsha abbaayyatiba martettexxi atika qulxu’me abishshotika fixa wode’i giddi’a darb! Edisse abiddatoxxa qulxu’me aaxxe iseka afo’o maaqatto wodda maallaqa*17:27 Maala hiyyemeek hiyyichchi wele tika’n Isitaater hiyyemeedheen; Isitaater hiyya lame tophphiinxe birre qicon affatton. Isoonna aaxxettexxi no’o lamiingike summinni irbotee uwwi.»