Mateus 18

Balleesseek Manjo Balleessatenaa’n Hiissaa

15 «Atik dayyi atee balleesseexxe kaddoole martettexxi atinna isinni calli mitteba hexxineeba isixxa belleessa iso’n kul. Hiteettexxa laqeexxi higeexxe kaddoole atika dayyo haaroba ifike assexxatton.✝18:15 Luq. 17:3. 16 Hitettexxa laqa giboole kinni lame yookaan sase dhugaa kula manjixxi yaane kokeessitammaxxee langaxxa lame yookaan sase manjo ifi’n lephphi.✝18:16 Lan. 19:15. 17 Insa’ne hinaaxxanna laqa giboole marte tennee Mageniinxe tuuta’n kuli; Mageniinxa tuutaxxanna laqa giboole isoo Mageno ege’nebaake yookaan qaraxammake manjishsha laakko’i.

18 «Dhugaate ha’noo’n haaso’aannen butta usurtinaak duuchchi iima usuremeeke kadaan; butta tikkinaak duuchchi iima tikemeeke kadaan.✝18:18 Mat. 16:19; Yoh. 20:23.

19 «Higgeenna ha’no’n kulo, ha’noonaa’n kaba butta lami manji heene yaane’ninna weli aaggeexxi Mageno soodatoole iima hedheek ank anni eettenee yaane insa’ne’a assaan. 20 Lami yookaani sasi manji anke summinni bukki hiyyaake booncho’n ani ookko insa’nexxe oddo’n afemannon.»