Mateus 9

Yessuusi Lame Balla’uwwa Fayyise

27 Yessuusi ookko’n fuleexxi me’aneege’n lami balla’i «Daawwitike belto, maganneten no’o’a marar!» hina’ni raara’n iso’o hordoffe.

28 Yessuusi mini’a e’ye wodda kunni balla’i manni isibaa’a shiqe. Yessuusinna, «Ani fayyisate’e dande’annoxxa amanadinaa?» hiyye insa’ne’e qore.

Insa’nenna, «Eetti, Gootta» hineexi hiissine haasonne. 29 Ookkonechchinn uduma Yessuusi anga ifixxenni ille insa’nexxa qaqqabeexxi «amanadinemashanni ha’no’a kaddowwaal» hiyye. 30 Ille insa’nexxinna banendeen. Yessuusi kinni, «Tenne yaane fedheeke’ninna kuldinoqqe!» Hiyye jabeesseexxi insa’nee ajaje. 31 Insa’ne kinni ookkone boga duuchcha’n Yessuusi gurra oodessine.