Lucas 1

Lwêmbo lwa ntumbo lwimbile Sakalia

67 Sakalia shage wa Yoano udjulilwe no Mutêma Gûlûmbûlûke, ûsawêle bûmoni bûbo:

68 "Atûmbêkwe Kolo Kabesha Mpûngû wa Isilaeli!

Kwakûba walibashêla no kwêbahandia bantû bage.

69 Walitûêla muikuli ntwasha,

mbyalwa gya Daudi mwingili wage.

70 Monka mwalagêlêle ao akala kûndjêla gya bamoni bage balûmbûlûke,

71 kwana wêketûhandia kuima mumaboko gamangi gyetû,

no kuima mumaboko ga bonse betusikwe.

72 Wêsambile wakebalekelela bakûlû betû,

no kwêdjûkana kilageno kyage kilûmbulûke.

73,74 Kilageno kikyo kadjêgo kemulagêlêle

tata nkûlû wetû Bûlaimu, kwana: waketûa betwe tûandibwe mumaboko ga bamagi gyetû,

Tûmone kumwingêlêla kûbûla kahaga,

75 Tûbe balûmbûlûke no sitê kûgêbwa gwage

Masigi gonse gangikeno gyetû.

76 ✝ 1.76: Mal 3.1 "Nogwe, mwanane, wêketwa mumoni wa Kabesha Mpûngû mukûlû wimwigûlû.

Wakamutangêlêla Kolo

no kumubêkêla djambûla madjêla gage,

77 Kwêbasawêla bantû kwana bekandibwa

Kwakwimibwa mubûbê bwabo.

78 Kabesha Mpûngû wetû wêno bûkampwe no lûsa lûngê.

Wêketuiminia mugenge gwa djûba kuima mwigûlû,

79 ✝ 1.79: Isay 9.2 mwanda wêbamunkêshe bonse bekane mu kidjo kikûlû kya luki abishe tankuko lyetû,

Alongamanie tankuko lyetû mu ndjêla gya angalê."