Lucas 19

Yesû watwela Yelusalema nagwe ni Kolo

28 Kûwa kwêsamba mianda gigyo, Yesû ûtangêle kûgebwa gya kibûngo kûsela Yelusalema. 29 Lwashenine kuika Betefage no Betania, kibûndê kibele mu Lûgûlû lwa Mpasi, wêbatumine baana ba bûganga bage babêlê 30 wêbalombwele: "Mugyate mukakibêndê kikûlwendo lwenyu; amulêkatwele mukakibûndê shamutane mwana mpûnda mukwêkwe, kwana ûshalibandwe no muntû. mumusokone mukamusishe ano. 31 Ntêê muntû walimibûsha, mwanda gwakêê mwa musokona mumulombole, "Kolo waligikeba."

32 Nfulo balya batuminwe bagêle no kûtana kintû kyonse monka Yesû mwalibalombwelele. 33 Lwababele bamu sokona gûlya mwana mpûnda, bene kibûndê bebabulishe, "Kibalo kyakêê mwamu sokona mwana mpûnda?"

34 "Balya baana babûganga bebaêndwêle," Kolo wamukeba, 35 nfulo bamuêlêle Yesu. Gûlya mwana mpûnda kûwa bandjile bishandê byabo egûlû lyage kûwa bamubandiishe Yesû egûlû lyage. 36 Kyaba Yesû lwegêlêlêle walê mumubande mwana mpûnda, bantû bandjile bishandê byabo mu ndjêla.

37 Kyaba kyashabele kûbwêhê no mutûkyo gwa Lûgûlû lwa Mpasi, kibûngo kyonse kya baana babûganga bage babambile kûsankêlêla no kûmutûmbêka Kabesha Mpûngû kwa djwê likata kibalo kya bilongwa no biesha bingê byabamwene, besambile: 38 ✝19.38: Nghib 118.26"Eselwe malyese Kolo wakûsha mu sina lya Kabesha Mpûngû!"

Angalê mwigûlû no ntumbo mwigûlû biiko!

39 Hao bange Bamafalisayo babele mukilya kibûngo kya bantû, bamulombwele Yesû. "Mulangi," wêbakande, "baana ba bûganga bobe!"

40 Yesû wêbaêndwêle, "Nanimilombola, ntê baba bokûtalala sitê gago mabwe shagate kahûndû."