33 Kyaba kyabaikile hantû etilwe: "Kabongosho katwe," ao ûabamukolekile Yesû amo no balya bangibi babêlê, gûmo mugela gwage gwa kûlûme no gûnge mugela gwage gwa kûkasi. 34 ✝23.34: Nghib 22.18Yesû wêsambile: "Tata, wêbakyêle lûsa! kibalo abedjê bya bakûlonga."

Kûwa betangene bishalanwa byage kwa kwêkadjêla bûbale. 35 ✝23.35: Nghib 22.7Bantû babele bemane alya bakûlola nobo bakûlû ba Bayuda bamusompwele, banine: "Ûandishe benge; no ehandie gee mwine, ntê gee û Kilisitu musololwa wa Kabesha Mpûngû!"

36 ✝ 23.36: Nghib 69.21 Basilêkale nobo bamusompwele swa, Bamugêlêle bamuele biênde bibae 37 banine: "Sitê ntê gwee wê mubêkali wa Bayuda, wêhandie gwe mwine!"

38 Byonka nansilya lusinto lûlû lûbele lûbêkwe egûlû lyage: "GÛDJÛ ÛGE MUBEKALI WA BAYUDA."

39 Gûmo wabalya bangibi bakolekilwe kumutê gwa mpênga mpêtia umutukile wêsambile: "Ntê sitê kwana gwee ûge Kilisitu? Nfulo, wêhandie gwemwine wêtûhandie no betwe!"

40 Mone gûlya ngibi gûnge, umukankêle mwinage, wêsambile: "Gwee honokumutûdjûka Kabesha Mpûngû noene asho? Gwee wamona bûkalabale bonka bûbo? 41 Gwee, no nene, twê bayenene, kibalo kano ûkatolwa kabilya bya tûlongile; mone muntû gûdjû hamulonge bûbê bobonse." 42 Kûwa wêsambile ee Yesû, "Ngidjûkane kyaba kyolê katwela mu Bukolo bobe!"

43 Yesû umuêndwêle: "Na kûlombola sitê, lêno shaûbe amo nane kû paladiso."