12 Djûba alibambile kûtûka balia ba bikûla kumi no babêlê bamuikêle Yesû bamulombwele: "Wêbalage bantû bagyate mubibûndê no kûmabala ge kûbwêhê, bakebe byakûlya no hantû akûlala kibalo ano atûlê akyanya."
13 Mone Yesû wêbaêndwêle: "Mwibae byakûlya."
Nobo baêndwêle: "Hatûle kyokyonse nambo mikate gitano no misha gibêlê. Ao tûgyate twêbolêle byakulya bisabibagwane bantû baba bonse." 14 (Babele alya baana balûme basangenwe 5,000.)
Nfulo Yesû wêbalombwele baana babuganga bage: "Mwibalombole bantû bekane ansê bibûngo bya bantû makuni gatano gatano."
15 Baana babûganga balongile nansho no muntû gense wêkene ansê, 16 Yesû ûtwalile gilya mikate gitano no gilya misha gibêlê, ûlwele mwigûlû, no kufwisha, kûwa wêgyêsele malyese, wigisansûlwêle, wêbaele baana babûganga bage bebatange bantû. 17 Bantû bonse balêle bekutile. No baana ba bûganga bakongile biendê bya mikate bisigele badjulishe bitala kumi no bibêlê.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)