1 ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, ମାମ୍‍ ଫାରୋନ୍‍ ନୁ ମିସରତେ ପର ମେଣ୍ଡେ ୱେରଡ଼୍‌ ସୃଷ୍ଟି ତାତିକାଡ଼୍‍; ଆସୁଟ୍‌ ଅଣ୍ଡ୍‌ ମିକିଙ୍କ୍‌ ଇଦ୍‌ ପଡ଼ିୟେକନ୍‍ ଆଦ୍‌ଦେ ୱେଇତିତ୍‌; ମେଣ୍ଡେ, ଆଦାନଙ୍କ୍‌ ଇଦାନ୍‌ ୱେଲେ ଅଣ୍ଡ୍‌ ମିକିଙ୍କ୍‌ ନିଜାମ୍‌ତେ ତଲିତଣ୍ଡ୍‌। 2 ଆଦିନ୍‌ମାଇଦିଙ୍କ୍‌ ଇଞ୍ଜେ ନାରୁଡ଼୍ କେୱିକିନାଗ୍‍ କେଲ୍‍ମ୍‍, ସାରେ ମାନେୟି ନିଜର ନିଜର ଗାରେତ୍‍ ନାରୁଡ଼୍‍ଆଗାଙ୍କ୍‍ ନୁ ସାରେ ନାଟା ନିଜର ନିଜର ଗାରେ ନାଟାନାଗାଙ୍କ୍‍ ରୁପା ନେଡ଼େକ୍‌ ନୁ ସୁନା ନେଡ଼େକ୍‌ ତାଲ୍‌କି ଅୟୁମୁଟ୍‌। 3 ମେଣ୍ଡେ ସଦାପ୍ରବୁ ମିସ୍ରିୟଡ଼୍‍ ନାରୁଡ଼୍‌ କଣ୍ଡ୍‌ତେ ନାରୁଡ଼୍‍କିଙ୍କ୍‍ ଅନୁଗ୍ରହ ପାହେମ୍ ଆତ୍‌ତଣ୍ଡ୍‌। ମେଣ୍ଡେ ମିସର୍ ଦେଶତେ ଫାରୋନ୍‍ ଦାସଡ଼୍ ନୁ ନାରୁଡ଼୍ କଣ୍ଡ୍‌ତେ ମୋଶାଲ୍‍ ଅଦିକ୍‍ ବାଡ଼ିୟେ ନାରୁଣ୍ଡୁ ଆତ୍‌ତଣ୍ଡ୍‌ । 4 ତାନ୍‌ପେର୍‌କେ ମୋଶାଲ୍‍ କେତ୍‍ତଣ୍ଡ୍‌ ସଦାପ୍ରବୁ ହି ଗଟ୍‍ କେଲ୍‍ନଣ୍ଡ୍‌ ମାମ୍‍ ନାଡ଼୍‌ ନାର୍କେ ମିସରତେ ନାଡ଼୍‍ମେଙ୍କ୍‌ ଆଦିକାଡ଼୍‌ । 5 ଆସୁଟ୍‌ ସିଂହାସନ୍‌ କୁଦ୍‍ୱାକେ ଫାରୋନ୍‍ ପ୍ରତମ୍‌ ଜନ୍ମ ତାଗାଙ୍କ୍‌, ଗରାନରାନାୱୁ ଦାସିକିନ୍‌ ପ୍ରତମ୍‌ ଜନ୍ମକଞ୍ଜ୍‌ ମିସର୍ ଦେଶତେ ସାରେ ପ୍ରତମ୍‌ ଜନ୍ ନୁ ପଶୁକିନ୍‌ ପ୍ରତମ୍‌ ଜନ୍ମ ଆତ୍‌ତାୱୁ ଡଲିତା। 6 ଆଦିଙ୍କ୍‌ ସାରା ମିସର୍ ଦେଶତାଗ୍‌, ବେଲାନ୍‌କି ବେସୁଙ୍କ୍‍ ଆୟ ନୁ ଆୟ, ଇଦ୍‌ଲେକାମ୍‌ ବାଡ଼ିୟେ ଦୁକାମ୍‍ ଆୟ। 7 ମାତର୍‌ ସଦାପ୍ରବୁ ମିସ୍ରିୟ ନାରୁଡ଼ାଗାଙ୍କ୍‌ ଇସ୍ରାଏଲୀୟଡ଼୍ ନାରୁଡ଼୍ ୱେର୍‌ ମାଡ଼ିତଣ୍ଡ୍‌, ଇଦ୍‍ବେଲା ମିଡ଼୍‌ ବେଲାନ୍‌ ପୁନ୍ତ୍‌ତିଡ଼୍, ଆଦିନ୍‌ ସେଙ୍ଗେ ଇସ୍ରାଏଲତେ ପିଲାକିନ୍‌ ନାଗାଙ୍କ୍‌ ନାରୁଡ଼୍‌ କି ପଶୁ ପର ୱେରଡ଼୍‌ ନେଇମିକା ଲେଙ୍ଗ୍‌ ମାଡ଼୍‌ପାର୍‌ୱ। 8 ଆସୁଟ୍‌ ମିଇ ଇ ସାରେ ଦାସଡ଼୍ ନା ଗାରେ ମଦଲ୍‍ ଆସ୍‍ ୱାଦ୍‍ତଡ଼୍ ନୁ ନାକିଙ୍କି ମଡ଼୍‍କିତଡ଼୍, ମିଡ଼୍ ନୁ ମିଇ ଗାରେ ସାରେ ନାରୁଡ଼୍ ପେୟିସ୍‍ଆନୁଟ୍‌, ଆସୁଟ୍‌ ନା ପେସ୍‍ ଆଦ୍‌ତାନ୍‌, ତାନ୍‌ପେର୍‌କେ ଅଣ୍ଡ୍‌ ନାର୍ଗେ କପାମ୍‍ ଆସ୍‍ ଫାରୋ ନାଗାଙ୍କ୍‌ ପେସ୍‍ ଆତ୍‌ତଣ୍ଡ୍‌ । 9 ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, ମାମ୍‍ ବେଲା ମିସର୍ ଦେଶ ନିଜର ବାକ୍‌ୱା ପାଡ଼ିୟ୍‌ ନାର୍ଗେ ମାଡ଼ିକାଡ଼୍, ଇଦିନ୍‌ମାଇଦିଙ୍କ୍‍ ଫାରୋ ମିଇ ଗଟି କେଞ୍ଜଣ୍ଡ୍‌। 10 ମେଣ୍ଡେ ମୋଶାଲ୍‌ ନୁ ହାରୋଣ ଫାରୋନ୍‍ ମୁନେ ଇୱୁ ସାରେ ବାକ୍‌ୱା ପାଡ଼ିୟ୍‌ ମାଡ଼ିମାତ୍‍ତଣ୍ଡ୍‌, ମାତର୍‌ ସଦାପ୍ରବୁ ଫାରୋନ୍‍ ହୃଦୟ୍‍ ଢ଼ାଟୁଙ୍କ୍‌ ମାଡ଼ୱାନାକେ, ଅଣ୍ଡ୍‌ ନିଜର୍‌ ଦେଶତାଗାଙ୍କ୍‌ ଇସ୍ରାଏଲତେ ପିଲାକିଙ୍କ୍‌ ଆଦାନଙ୍କ୍‌ ୱିଡ଼୍‌ସିୱଣ୍ଡ୍‌।