ଯାତ୍ରା 8

ଦ୍ୱିତିୟ ଦଣ୍ଡ ମିସରଦେଶତାଗ୍‌ - ପାଣ୍ଡେ

1 ତାନ୍‌ପେର୍କେ ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, "ମିଡ଼୍ ଫାରୋନ୍‍ ଗାରେ ଆଞ୍ଜ ଆଦ୍‍ କେଲ୍‌ମୁଟ୍‌, ସଦାପ୍ରବୁ ଇଗଟ୍‍ କେସ୍‍ ମିନ୍ଦେଣ୍ଡ୍‌, ମାନ୍‍ ସେବା ମାଡ଼ାନ୍‌ ମାଇଦିଙ୍କ୍‌ ମା ନାରୁଡ଼୍‍କିଙ୍କ୍‌ ୱିଡ଼୍‌ସିମ୍‍। 2 ବେସୁଟ୍‌ ନିମେ ଅଡ଼୍‍କିଙ୍କି ୱିଡ଼୍‌ସିଦାନ୍‍ ମାଇଦିଙ୍କ୍‌ କେଞ୍ଜିୱି ଆସୁଟ୍‌ ଉଡ଼େ ମାମ୍‍ ପାଣ୍ଡେତଡ଼୍ ମିଇ ସାରେ ଦେଶ୍‌ତିଙ୍କ୍‍ ଦଣ୍ଡ୍‌ ଇଦ୍‌ତମ୍‍। 3 ନୀଲ ବେଡ଼େମ୍‌ ପାଣ୍ଡେତେ ନିଣ୍ଡିଆଦ୍‍ତେ ଆସୁଟ୍‌ ଆ ସାରେ ପାଣ୍ଡେ ତେଦି ମି ଲନ୍‍ ନୁ ମି ଉଞ୍ଜାନ୍‍ଲନ୍‍ ତିନ୍ଦାନାଗ୍‍ ନୁ ମି ଦାସଡ଼ାଗ୍‍ ନୁ ମିଡ଼୍‌ ଅଟା ପିସ୍କାନ୍‌ ଡ଼େକ୍‍ସ୍କିତାଗ୍‍ ନେଙ୍ଗିତା। 4 ମେଣ୍ଡେ, ମିଇ ନୁ ମି ନାରୁଡ଼ାଦ୍‌ ନୁ ଦାସନଡ଼୍ ପରଙ୍କ୍‌ ତେଦିତା।"

5 ତାନ୍‌ପେର୍କେ ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, ହାରୋଣତିଙ୍କ୍‌ କେଲମ୍‍, ନିମେ ବେଡ଼େମ୍‌ ଦନ୍ଦି ନୁ ଏର୍‍ୱିକିଙ୍କ୍‌ ପର ନିଜର ସାରେ ଡ଼ୁଡ଼ି କାଇଆସ୍‍ ମିସର୍ ଦେଶତେ ପର ପାଣ୍ଡେ ତାଡ଼ାଟ୍‌। 6 ଆସୁଟ୍‌ ହାରୋଣ ମିସରତେ ସାରେ ଏର୍‍ଦେ ପର ନିଜର କାଇଆସ୍‍ ୱାନାକେ ପାଣ୍ଡେ ମାନ୍ଦେ ତେଦି ମିସର୍ ଦେଶତେ ଏକାମ୍‍ ଆତ୍‌ତା । 7 ଆସୁଟ୍‌ ମନ୍ତ୍ରୀନଡ଼୍‌ ନିଜର ମାୟାତେ ଆଲେ ମାଡ଼ି ମିସର୍ ଦେଶତେ ପରୁ ପାଣ୍ଡେ ତାତ୍‍ତଡ଼୍। 8 ଆସୁଟ୍‌ ଫାରୋ ମୋଶାଙ୍କ୍‍ ନୁ ହାରୋଣତିଙ୍କ୍‌ କାର୍ଙ୍ଗି କେତ୍‍ତଣ୍ଡ୍‌, "ମାୟାଗାଙ୍କ୍‍ ନୁ ମା ନାରୁଡ଼୍‍ଆଗାଙ୍କ୍‍ ଇସାରେ ପାଣ୍ଡେ ଜେକେମାଡ଼ାନ୍‍ ମାଇଦିଙ୍କ୍‍ ସଦାପ୍ରବୁନ୍‍ ଗାରେ ପ୍ରାର୍ତନା ମାଡ଼ାଟ୍; ଆସୁଟ୍‌ ମାମ୍‌ମେ ସଦାପ୍ରବୁନ୍‍ ଉଦ୍ଦେଶ୍ୟତେ ପୁଜେ ମାଡ଼ାନ୍‍ ମାଇଦିଙ୍କ୍‌ ନାରୁଡ଼୍‍କିଙ୍କ୍‌ ୱିଡ଼୍‌ସିତମ୍‍।" 9 ଆସୁଟ୍‌ ମୋଶାଲ୍‌ ଫାରୋଙ୍କ୍‍ କେତ୍‍ତଣ୍ଡ୍‌, "ନା ପର ଗର୍ବ ମାଡ଼େ; ପାଣ୍ଡେ ସାରେ ବେଲାନ୍‌ ନିଜେତାଗାଙ୍କ୍‍ ନୁ ନିଜର ଲତ୍‍ତାଗାଙ୍କ୍‌ ଆଞ୍ଜ୍‌ ମାତର୍‌ ନୀଲ ବେଡ଼େମ୍‌ତାଗ୍‍ ମାନ୍ତା, ମିଡ଼୍‌ ନୁ ମିଇ ଦାସନଡ଼୍ଆଗାଙ୍କ୍ ନୁ ନାରୁଡ଼୍ ମାଇଦିଙ୍କ୍‌ ସଦାପ୍ରବୁନ୍‍ ମୁନେ ବେସୁଙ୍କ୍‌ ଇଦ୍‌ ପ୍ରାର୍ତନା ମାଡ଼ିତାନ୍‍ ?" 10 ଅଣ୍ଡ୍‌ କେତ୍‍ତଣ୍ଡ୍‌, "ନାଡ଼୍ ମାଡ଼ାଟ୍‌।" ଆସୁଟ୍‌ ମୋଶାଲ୍‌ କେତ୍‍ତଣ୍ଡ୍‌, ମା ସଦାପ୍ରବୁ ପରମେଶ୍ୱରତେ ଲେକାମ୍‌ ବେନ ଇଲାଣ୍ଡ୍‌, ଆଦିନ୍‌ ସେଙ୍ଗେ ନି ବାକ୍ୟ ଲେକାମ୍‌ ଆୟି। 11 ପାଣ୍ଡେକି ନିୟାଗାଙ୍କ୍‌ ନୁ ନି ଲନ୍‌, ଦାସ ନୁ ସାରେତଡ଼୍‌ ନାରୁଡ଼୍ଡ଼ାଗାଙ୍କ୍‍ ଯେକା ଆସ୍‌ ମାତର୍‌ ନୀଲ ବେଡ଼େମ୍‌ତାଗ୍‍ ମାନ୍‍ନ୍ତା। 12 ତାନ୍‌ପେର୍‌କେ ମୋଶାଲ୍‌ ନୁ ହାରୋଣ ଫାରୋନ୍‍ ନାଗାଙ୍କ୍‌ ବାଇଦେ ଆତ୍‌ତଡ଼୍; ମେଣ୍ଡେ, ମୋଶାଲ୍‌ ଫାରୋନ୍‍ ବିରୁଦ୍ଦ୍‌ତେ ତାସ୍‌ମା‍ନ୍ଦାନ୍‌ ପାଣ୍ଡେ ବିଷୟତେ ସଦାପ୍ରବୁନ୍‍ ପାକେ ପ୍ରାର୍ତନା ମାଡ଼୍‍ତଣ୍ଡ୍‌। 13 ଆସୁଟ୍‌ ସଦାପ୍ରବୁ ମୋଶାନ୍‌ ବାକ୍ୟ ଲେକାମ୍‌ ମାଡ଼୍‌ତାଙ୍କ୍‌, ଲତ୍‍ତାଗ୍‌, ଦୁୱାଡ଼୍‌ତାଗ୍‍ ନୁ ୱାୟାନାଗ୍‍ ସାରେ ପାଣ୍ଡେ ଡଲ୍‌ତା। 14 ଆସୁଟ୍‌ ନାରୁଡ଼୍ ଆୱ୍‌ ସାରେତାୱିଙ୍କ୍‌ ଅଣ୍ଡୟ୍‌ତାଗ୍‍ ଦିବ୍‍ ମାଡ଼ୱାନାକେ, ଦେଶ୍‍ କିଚ୍‍କିଚା ବା ଗାବ୍‌ ଆତ୍‌ତେ । 15 ମାତର୍‌ ଫାରୋ ବିପଦ୍‌ ଆଦାନାଦ୍‌ ଉଡ଼ି ସଦାପ୍ରବୁନ୍‍ ବାକ୍ୟ ଇସାପ୍‌ତେ ନିଜେତ୍‌ ହୃଦୟ ଢ଼ାଟୁଙ୍କ୍‌ ମାଡ଼୍‌ତଣ୍ଡ୍‌ ନୁ ଅଡ଼୍ ବାକ୍ୟତାଗ୍‌ ମନ୍‍ ଇୱଡ଼୍‌ ଆତ୍‌ତଡ଼୍‌ ।

ତୃତିୟ ଦଣ୍ଡ୍‌ ପର୍‍କି

16 ଆସୁଟ୍‌ ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, "ହାରୋଣତିଙ୍କ୍‌ କେଲେମ୍‍, ସାରେ ମିସର୍ ଦେଶ୍‌ତାଗ୍‍ ବେଲା ପର୍‍କି ଆତ୍‌ତାଙ୍କ୍‌, ଆଦିନ୍‌ ସେଙ୍ଗେ ମିଡ଼୍‌ ନିଜର୍‌ ଡ଼ୁଡ଼୍ ତେସ୍‍ ବୁମ୍‍ଦେ ଦୁମ୍‌ତାଗ୍‍ ରେଃମ୍‌।" 17 ଆସୁଟ୍‌ ଅଡ଼୍ ଆଲେ ମାଡ଼ତଡ଼୍ ହାରୋଣ ଡ଼ୁଡ଼୍ କାଇଦାଗ୍‍ ପହିସ୍‍ ବୁମ୍‍ଦେ ଉସ୍କ୍‍ତାଗ୍‍ ୱାଟୱାନାକେ ନାରୁଡ଼୍ ନୁ ପଶୁନାଗ୍‍ ପର୍‍କି ଆତ୍‌ତା । ମେଣ୍ଡେ ମିସର୍ ଦେଶତେ ବୁମ୍‍ଦେ ଉସ୍କ୍‍ ସାରେ ପର୍‍କି ଆତ୍‌ତା । 18 ଆସୱେଲେ ମନ୍ତ୍ରୀନଡ଼୍‌ ନିଜର ନିଜର ମାୟାତେ ଆଲାନେ ପର୍‍କି ଜନ୍ମ ମାଡ଼ାନ୍‍ଙ୍କ୍‍ ଚେଷ୍ଟା ମାଡ଼୍‌ତଡ଼୍, ମାତ୍ର ପାର୍‍ୱଡ଼୍ ଆତ୍‍ତଡ଼୍; ଆସୁଟ୍‌ ନାରୁଡ଼୍ ନୁ ଜିୱାକିଙ୍କ୍‌ ପର ପର୍‍କି ଆତ୍‌ତା । 19 ଆସୁଟ୍‌ ମନ୍ତ୍ରୀନଡ଼୍‌ ଫାରୋଙ୍କ୍‍ କେତ୍‍ତଡ଼୍, "ଇଦ୍‌ ତ ପରମେଶ୍ୱରଦେ ୱାଡ଼୍‌ଞ୍ଜ୍‌କିନ୍‌ ତିଆର୍‌ ଆତ୍‌ତେ ପାଡ଼୍‍ୟି," ଆଗେକ୍‌ବା ସଦାପ୍ରବୁନ୍‍ ବାକ୍ୟ ଅନୁସାର୍‍ତେ ଫାରୋନ୍‍ ହୃଦୟ ଡ଼ୁଟାଙ୍କ୍‍ ଆତ୍‌ତେ, ମେଣ୍ଡେ, ଅଣ୍ଡ୍‌ ଅଡ଼୍ ବାକ୍ୟତାଗ୍‌ ମନ୍‌ ଇୱଡ଼୍‌ ଆତ୍‌ତଡ଼୍‌।

ଚତୁର୍ଥ ଦଣ୍ଡ୍‌ତ୍‌ ଦଂଶକାଦି ଦମେ ୱିସ୍‌

20 ତାନ୍‌ପେର୍କେ ସଦାପ୍ରବୁ ମୋଶାଙ୍କ୍‍ କେତ୍‍ତଣ୍ଡ୍‌, "ମିଡ଼୍ ନାର୍କୁକେ ତେଦି ଫାରୋନ୍‍ ମୁନେ ନିଲ୍‍ମୁଟ୍‌; ଉଡ଼ାଟ୍‍, ଅଣ୍ଡ୍‌ ଏର୍‍ଦେ ଗାରେ ୱାତ୍‍କେ, ମିଡ଼୍ ଅଙ୍କ୍‌ ଇଦ୍‌ ଗଟ୍‍ କେତିତିଡ଼୍, ସଦାପ୍ରବୁ କେତ୍‌ତଣ୍ଡ୍‌, ମାୟାଦ୍‌ ସେବା ମାଡ଼ାନଙ୍କ୍‍ ମା ନାରୁଡ଼୍‍କିଙ୍କ୍‌ ୱିଡ଼୍‌ସିମ୍‌। 21 ମେଣ୍ଡେ, ଯଦି ମା ନାରୁଡ଼୍‍କିଙ୍କ୍‌ ଆଦାନଙ୍କ୍‌ ଇୱିନ୍‌, ଯଦି ମାମେ ମିଇ ପର, ମିଇ ଦାସନଡ଼୍‌ ପରୁ, ମିଇ ନାରୁଡ଼୍‌ ପର, ମିଇ ଲକିନ୍‌ ଲପେ ଇଦ୍‌ଲେକାମ୍‌ ଦଂଶକାଦିତେ ଦମେ ୱିସ୍‌ ରତିତମ୍‍ ଯେ, ଆଦିନାଗାଙ୍କ୍‌ ମିସ୍ରିୟନଡ଼୍ ଲନ୍‌ ନୁ ମାନ୍ଦାନ୍‍ ପଡ଼ିୟେ ନିଣ୍ଡିଆଦ୍‌ତେ। 22 ମେଣ୍ଡେ, ପୃତିବିତାଗ୍‍ ମାତର୍‌ ମାମ୍‌ମେ ସଦାପ୍ରବୁ ଆଦ୍‌ତମ୍‌, ଇଦ୍‌ ମିକିଙ୍କ୍‌ ପୁଞ୍ଜ୍‍ସ୍ପାନ୍‌ ମାଇଦିଙ୍କ୍‌ ଆଦ୍‌ ଦିନେ ମା ନାରୁଡ଼୍‌ ମାନ୍ଦାନ୍‍ ପଡ଼ିୟେ ଗୋଶନ୍‍ ପ୍ରଦେଶ୍ ୱେର୍‌ ମାଡ଼ିକାଡ଼୍‌; ଆଗେ ଦଂଶକାଦିତେ ଦମେ ୱିସ୍‌ ଆୟ।" 23 ମାମ୍‌ମେ ନିଜର ନାରୁଡ଼୍‍କ୍ ନୁ ମିଇ ନାରୁଡ଼୍‍ ଲପେ ୱେରେ ମାଡ଼ିତମ୍‍; ୱାଦାନ୍‌ ଦିନେ ଇଦ୍‌ ବାକ୍‌ୱା ପାଡ଼ିୟ୍ ଆଦ୍‌ତେ । 24 ତାନ୍‌ପେର୍କେ ସଦାପ୍ରବୁ ଆଦ୍‌ଲେକାମ୍‌ ମାଡ଼୍‍ତଣ୍ଡ୍‌; ଆସୁଟ୍‌ ଫାରୋନ୍‍ ନୁ ତାନ୍‍ ଦାସନଡ଼୍‍ ଲତ୍‌ତାଗ୍‍ ଦଂଶକାଦିତେ ବାଡ଼ିୟେ ଦମେ ୱିସ୍‌ ୱାତ୍‌ତେ; ମେଣ୍ଡେ, ସାରା ମିସର୍ ଦେଶ୍‍ ଦଂଶକାଦିତେ ସେଙ୍ଗେ ନଷ୍ଟ ଆତ୍‌ତେ । 25 ଆସୱେଲେ ଫାରୋ ମୋଶାଲ୍‌ ନୁ ହାରୋଣତିଙ୍କ୍‍ କାର୍ଙ୍ଗି କେତ୍‍ତଣ୍ଡ୍‌, ମିଡ଼୍‍ ଆଞ୍ଜ୍‌ ଇୱୁ ଦେଶ୍‌କିନାଗ୍‌ ମିଇ ପରମେଶ୍ୱରଦେ ଉଦ୍ଦେଶ୍ୟତେ ବଲିଦାନ୍‌ ମାଡ଼ାଟ୍‍। 26 ଆସୁଟ୍‌ ମୋଶାଲ୍‌ କେତ୍‍ତଣ୍ଡ୍‌, ଆଦ୍‍ ମାନାଙ୍କ୍‌ ସାୟେ ଆୟ; ବାତେଙ୍କ୍‌ଇତ୍କେ ଆଲାନ୍‌ ମାଡ଼୍‍କେ, ମାନ୍‌ ସଦାପ୍ରବୁ ପରମେଶ୍ୱର୍‌ତେ ଉଦ୍ଦେଶ୍ୟତେ ମିସ୍ରିୟନଡ଼୍‍ ପାସ୍‌କାନ୍‌ ପୂଜା ମାଡ଼ାନଙ୍କ୍‌ ଆଦ୍‌ତେ; ଉଡ଼େ, ମିସ୍ତ୍ରୀନଡ଼୍ କଣ୍ଡାନେ ଅଡ଼୍ ପାସ୍‌କାନ୍‌ ପୁଜା ମାଡ଼୍‍କେ, ଅଡ଼୍ କି ମାନାଙ୍କ୍‌ କାଲ୍‍କିନ୍‌ ରେହେସ୍‌ ଆୱୁକଡ଼୍‌ ? 27 ଆଦିଙ୍କ୍‌ ମାମେ ମୁଣ୍ଡ୍‌ଦିନାତ୍‌ ଆର୍‌ ଉସ୍କବୁମ୍‌ତାଗ୍‍ ଆଞ୍ଜ୍‌ ମା ସଦାପ୍ରବୁ ପରମେଶ୍ୱର ବେନ୍‍ ଆଦେଶ୍‌ ଇଦ୍‌ତଣ୍ଡ୍‌, ଆଦ୍‍ ଅନୁସାର୍‍ତେ ଅନ୍‍ ଉଦ୍ଦେଶ୍ୟତେ ପୁଜେ ମାଡ଼ିକାଡ଼୍‌।

28 ଆସୁଟ୍‌ ଫାରୋ କେତ୍‍ତଣ୍ଡ୍‌, "ମାମେ ମିକିଙ୍କ୍‌ ଆଦାନଙ୍କ୍‌ ଇଦ୍‌ତମ୍‌, ମିଡ଼୍ ଆଞ୍ଚିନାକ୍‌ ଆଞ୍ଜ୍‌ ନିଜର୍‌ ସଦାପ୍ରବୁ ପରମେଶ୍ୱରଦେ ଉଦ୍ଦେଶ୍ୟତେ ପୁଜେ ମାଡ଼ାଟ୍‍; ମାତର୍‌ ଗାଟି ଯେକେ ଆନ୍‍ମାଟ୍‍, ମେଣ୍ଡେ, ମା ମାଇଦିଙ୍କ୍‌ ପ୍ରାର୍ତନା ମାଡ଼ାଟ୍‍।" 29 ତାନ୍‌ପେର୍‌କେ ମୋଶାଲ୍‌ କେତ୍‍ତଣ୍ଡ୍‌, "ଉଡ଼ାଟ୍‍, ନାନେ ନି ପାକେ ଆଞ୍ଜ୍‌ ସଦାପ୍ରବୁନ୍‍ ମୁନେ ପ୍ରାର୍ତନା ମାଡ଼ିତାନ୍‍, ଆସୁଟ୍‌ ନିୟାଦ୍‌, ନିଇ ଦାସଡ଼୍‌ ନୁ ନି ନାରୁଡ଼୍‌ ପାକେଙ୍କ୍‌ ୱାଦାନ୍‌ ଦିନେ ସାରେ ଦଂଶକ ଦମେ ୱିସ୍‌ ଯେକେ ଆଦ୍‌ତା; ମାତର୍‌ ସଦାପ୍ରବୁନ୍‍ ଉଦ୍ଦେଶ୍ୟତେ ପୁଜେ ମାଡ଼ାନଙ୍କ୍‌ ନାରୁଡ଼୍‍କିଙ୍କ୍‌ ଆଦାନଙ୍କ୍‌ ୱିଡ଼୍‌ସିଦାନ୍‍ ବିଷୟ ଫାରୋ ମେଣ୍ଡନ୍‌ଦାମ୍‌ ପାସ୍କ୍‌ମାକିଣ୍ଡ୍‌।" 30 ଆସୁଟ୍‌ ମୋଶାଲ୍‌ ଫାରୋ ନାଗାଙ୍କ୍‌ ବାଇଦେ ଆଞ୍ଜ୍‌ ସଦାପ୍ରବୁନ୍‍ ଗାରେ ପ୍ରାର୍ତନା ମାଡ଼୍‍ତଣ୍ଡ୍‌। 31 ଆସୁଟ୍‌ ସଦାପ୍ରବୁ ମୋଶାନ୍‍ ପ୍ରାର୍ତନା ଅନୁସାର୍‍ତେ ଫାରୋନାଗାଙ୍କ୍‌, ତାନ୍‍ ଦାସନଡ଼୍ ନୁ ନାରୁଡ଼୍ ସାରେତଡ଼୍‍ ଆଗାଙ୍କ୍‌ ସାରେ ଦଂଶକାଦି ଦମେ ୱିସ୍‌ ଦୁରାମ୍‍ ମାଡ଼୍‌ତଡ଼୍‌; ଅଣ୍ଡ୍‌ୟ ମିକା ବାତେ ମାନ ଆତ୍‌ତେ । 32 ଇଞ୍ଜେ ମିକା ଫାରୋ ନିଜେତ୍‌ ହୃଦୟ ଢ଼ାଟୁଙ୍କ୍‌ ମାଡ଼୍‌ତଣ୍ଡ୍‌ ନୁ ନାରୁଡ଼୍‍କିଙ୍କ୍‌ ଆଦାନଙ୍କ୍‌ ୱିଡ଼୍‌ସଣ୍ଡ୍‌ ଆତ୍‌ତଣ୍ଡ୍‌ ।