ବାଦୁଲ୍ତେ ନିୟମ୍
1 ଯଦି ବେନ୍ ବେସୁଙ୍କ୍ ଗଡ୍କି ମେଣ୍ଢାଙ୍କ୍ ଡ଼ଙ୍ଗିତଣ୍ଡ୍ ଆୱୁକିତଣ୍ଡ୍ ବା ୱାମିତଣ୍ଡ୍, ଆସୁଟ ଅଣ୍ଡ୍ ଅଣ୍ଡୟ୍ ଗଡ୍ତେ ବାଦୁଲ୍ତେ ଏଇଙ୍ଗ୍ ଗଡ୍କ୍ ନୁ ଅଣ୍ଡୟ୍ ମେଣ୍ଢେତେ ବାଦୁଲ୍ତେ ନାଲୁ ମେଣ୍ଢା ଇଦ୍ତଣ୍ଡ୍। 2 ମେଣ୍ଡେ ଡ଼୍ଙ୍ଗାଲ୍ ସିନ୍ଧି ପୟିସ୍ ଦରାପଡ଼େମ୍ ଆତ୍କେ, ବେସୁଙ୍କ୍ ବେନ୍ ଅକିଙ୍କି ରେଃନା ରେଃନା ରେଃତିତଣ୍ଡ୍, ଆସୁଟ ଅଣ୍ଡ୍ ନେତୁର୍ତେ ଦୋଷି ଆୟଣ୍ଡ୍। 3 ମାତର୍ ବେସୁଙ୍କ୍ ପଡ଼୍ଦ୍ ପେସ୍ପୱାନାକେ ତାକିଙ୍କ୍ ଆୱୁକେ, ଆସୁଟ ଅଣ୍ଡ୍ ନେତୁରୁ ପେୟିତେ ଦୋଷି ଆଦ୍ତଣ୍ଡ୍; ମେଣ୍ଡେ ଡ଼ଙ୍ଗାନ୍ ସାମାନ୍ ବାଦୁଲ୍ ଅଦାନାଦ୍ ଡ଼ଙ୍ଗାନ୍ କର୍ତ୍ତବ୍ୟ; ବେସୁଙ୍କ୍ ଆଦ୍ ବାତେମାନ୍, ଆଦି ଡ଼ଙ୍ଗାନାଗାଙ୍କ୍ ଅଣ୍ଡ୍ ୱାମିତଣ୍ଡ୍। 4 ଗଡ୍ କି ଗଦ କି ମେଣ୍ଢା ଡ଼ଙ୍ଗ୍ତେ ସାମାନ୍ ବେସୁଙ୍କ୍ ଡ଼ଙ୍ଗାନ୍ କାଇଦେ ଜିୱେ ଦର୍କେ, ଆସୁଟ ଅଣ୍ଡ୍ ଆଗାକନ୍ ରେଣ୍ଡ୍ଗୁଣ୍ ଇଦ୍ତଣ୍ଡ୍।
5 ମେଣ୍ଡେ ବେନ୍ ୱେର୍ତେ ୱାୟ୍ତାଗ୍ କି ଅଙ୍ଗୁର୍ୱାୟେତାଗ୍ ଗଡ୍କ୍ ମେୟ୍କେ, ବା ନିଜର ପଶୁତିଙ୍କ୍ ୱିଡ଼୍ସିକେ ବେସୁଙ୍କ୍ ଆଦ୍ ଅତୁଣ୍ଡ୍ ୱାୟ୍ତାଗ୍ ମେଇତେ, ଆସୁଟ ଆ ନାରୁଣ୍ଡ୍ ଆଦି ବାଦୁଲ୍ତେ ତାକିଙ୍କ୍ ନିଜର ୱାୟେତେ ଲେକେତ୍ ଫସଲ୍ ବା ନିଜର ଦ୍ରାକ୍ଷା ସାୟେତେ କାୟେ ଇଦ୍ତଣ୍ଡ୍।
6 ମେଣ୍ଡେ କିସ୍ ନିଡ଼୍ସ୍ କୟେ ମେଟେତାଗ୍ ପୟ୍କେ ବେସୁଙ୍କ୍ ବେନ୍ ୱାଞ୍ଜ୍କୁପେ ଦିବ୍ ବା ପେର୍ସାନ୍ ଶସ୍ୟ ୱାୟେତାଗ୍ ପୟିକେ, ଆସୁଟ୍ ଆ କିସ୍ ପସ୍ପାନ୍ ନାରୁଣ୍ଡ୍ ଆଦି ଦାମ୍ ଇଦ୍ତଣ୍ଡ୍। 7 ମେଣ୍ଡେ ବେନ୍ ନିଜର ଗାରେତେ ନାରୁଡ଼୍ଗାରେ ଡ଼ାବ୍ କି ମେଣ୍ଡେ ବାତ୍ଆୟି ସାମାନ୍ ନେତାନ୍ ମାଇଦିଙ୍କ୍ କେତ୍କେ, ଆଦ୍ ବେସୁଙ୍କ୍ ବେନ୍ ଆ ନାରୁଣ୍ଡ୍ ଲତ୍ତାଗାଙ୍କ୍ ଡ଼ଙ୍ଗ୍କେ ଅଣ୍ଡ୍ ଦରାପଡ଼େମ୍ ଆତ୍କେ, ଆସୁଟ୍ ଅଣ୍ଡ୍ ଆଗାକନ୍ ରେଣ୍ଡ୍ଗୁନ୍ ଇଦ୍ତଣ୍ଡ୍ । 8 ବେସୁଙ୍କ୍ ଡ଼ଙ୍ଗାଲ୍ ଦରାପଡ଼େମ୍ ଆତ୍କେ, ଆସୁଟ୍ ଅଣ୍ଡ୍ ଲତ୍ତେ ମୁଦ୍ପାଙ୍କ୍ ଗାରେତ୍ନାରୁଡ଼୍ତେ ଜିନିଷ୍ କାଇ ୱାଟ୍ତଣ୍ଡ୍ କି ଇଲେ; ଇଦି ପୁଞ୍ଜ୍ପାନ୍ ମାଇଦିଙ୍କ୍ ଅଣ୍ଡ୍ ବିଚାକର୍ତ୍ତାନ୍ ନୁ ପରମେଶ୍ୱରଦେ ମୁନେ ଆଦ୍ୱେଇତିତ୍।
9 ମେଣ୍ଡେ ସାରେ ଲେକାମ୍ ଅଦର୍ମ ବିଷୟତେ, ଇତ୍କେ, ଗଡ୍କ୍ କି ଗଦ କି ମେଣ୍ଢା କି ସିଲେ, ବାତ୍ ମାୟିତେ ଜିନିଷ୍ ବିଷୟତେ ବେନଙ୍କ୍ କେତ୍କେ, ଇଦି ଆ ଜିନିଷ୍, ଆସୁଟ ରେଣ୍ଡ୍ପାକେତ୍ ଗଟ ବିଚାକର୍ତ୍ତାନ୍ ମୁନେ ପେୟିତିତ୍; ଆସୁଟ ପରମେଶ୍ୱର ବେନଙ୍କ୍ ଦଷି ମାଡ଼ିତଣ୍ଡ୍, ଅଣ୍ଡ୍ ନିଜର ଗାରେତ୍ତେ ନାରୁଡ଼୍କିଙ୍କ୍ ରେଣ୍ଡ୍ଗୁନ୍ ଇଦ୍ତଣ୍ଡ୍।
10 ବେନ୍ ଗାରେତ୍ତେ ନାରୁଡ଼୍ଗାରେ ନିଜର ଗଦ,କି ଗଡ୍କ୍, କି ମେଣ୍ଢା, ବା ବେନ୍ ଉଡ଼୍ୱାକେ ଆ ପଶୁ ପଡ଼୍ପାନ୍ ନେଃତଡ଼୍ ମେଣ୍ଡେ ବେନ ଉଡ଼୍ୱାକେ ଆ ପଶୁ ଡଲ୍କେ, ବା ଉରୁଙ୍ଗି ଆତ୍କେ ବା ଉଡ଼୍ପିଅତ୍କେ। 11 ଆସୁଟ ଆ ଗାରେତ୍ ନାରୁଣ୍ଡ୍ ଜିନିଷ୍ତେ ପର କାଇ ୱାଟ୍ତଣ୍ଡ୍ କି ଇଲେ, ଇ ବିଷୟତେ ଇର୍ୱୁଡ଼୍ ଲପେ ସଦାପ୍ରବୁନ୍ ପ୍ରାମାଣ ଆଦ୍ତେ, ଆ ପଶୁତେ ମାଲିକ୍ ପ୍ରାମାଣ କାଞ୍ଜିତଣ୍ଡ୍, ମେଣ୍ଡେ ଅଣ୍ଡ୍ ବାଦୁଲ୍ ମାଡ଼ଣ୍ଡ୍। 12 ମାତର ବେସୁଙ୍କ୍ ଅନ୍ ଗାରେକନ୍ ଡ଼ଙ୍ଗିଆସମିନ୍ଦେ, ଆସୁଙ୍କ୍ ଅଣ୍ଡ୍ ତାନ୍ ମାଲିକ୍ ଆଦ୍ ଦାମ୍ ଇଦ୍ତଣ୍ଡ୍। 13 ବେସୁଙ୍କ୍ ଆ ପଶୁ ରେଃସ ମାନ୍ତଡ଼୍, ଆସୁଟ ଅଣ୍ଡ୍ ଆଦେଶ୍ତେ ମାଇଦିଙ୍କ୍ ଆଦ୍ ତାଡ଼ିଣ୍ଡ୍; ଅଣ୍ଡ୍ ଆ ରେଃସମାତ୍ତେ ପଶୁ ଦାମ୍ ଇୱଣ୍ଡ୍।
14 ମେଣ୍ଡେ ବେନ୍ ବେସୁଙ୍କ୍ ନିଜର ଗାରେତ୍ ନାରୁନ୍ ପଶୁ ତାଲ୍କି ଅସ୍ ନୁ ତାନ୍ ମାଲିକ୍ ତାନ୍ତଡ଼୍ ମାନୱେମାତ୍କେ ଆଦ୍ ଉରୁୱେକି ଡ଼ଲ୍କେ, ଆସୁଟ ଅଣ୍ଡ୍ ଆଦିନ୍ ଦାମ୍ ଇଦ୍ତଣ୍ଡ୍। 15 ମାତର୍ ବେସୁଙ୍କ୍ ତାନ ମାଲିକ୍ ତାନ୍ଗାରେ ମାତ୍କେ, ଆସୁଙ୍କ୍ ତାନ୍ ଦାମ୍ ଇଦିୱେୟ; ବେସୁଙ୍କ୍ ଅଣ୍ଡ୍ ବାଡ଼ା ପଶୁ ଆଦ୍ତେ, ଆସୁଙ୍କ୍ ତାନ୍ ବାଡ଼ା ବା ୱାଦ୍ତା।
ଦର୍ମ ବିଷୟତେ ନିୟମ୍
16 ମେଣ୍ଡେ, ବେନ୍ ବେସୁଙ୍କ୍ ପୁସ୍ସ୍କାମାଡ଼ି ତାନ୍ ତଡ଼୍ ଉଞ୍ଜିତଣ୍ଡ୍, ଆଲେକେ ଅଣ୍ଡ୍ ଆ ମାୟାଡ଼୍ତିଙ୍କ୍ ଦାମ୍ ଇସ୍ ଅଣ୍ଡ୍ ନିଜାମ୍ ପେଣ୍ଡୁଲ୍ ଆଦ୍ତଣ୍ଡ୍ । 17 ବେସୁଟ୍ ବାବାଲ୍ ତାନ୍ ତଡ଼୍ ନିଜର ମାୟାଡ଼୍ତେ ପେଣ୍ଡୁଲ୍ ଇଦାନଙ୍କ୍ ରାଜିଆୟଣ୍ଡ୍, ଆସୁଟ ଆ ମାୟାଡ଼୍ତେ ଦାମ୍ ଲେକାମ୍ ରୁପା ଡାବ୍କ୍ ଇଦ୍ତିଡ଼୍। 18 ମିଡ଼୍ ଅଣ୍ଡାଡ଼୍ମୁତେଙ୍କ୍ ଜିୱେ ନେଃମାଟ୍।
19 ବେନ୍ ବେସୁଙ୍କ୍ ପଶୁ ତଡ଼୍ ଯୁଦ୍ଦ୍ ମାଡ଼ିତଣ୍ଡ୍, ଅନାଦ୍ ନିଜାମ୍ ଜିୱୁଣ୍ଡ୍ ଆଦ୍ତେ। 20 ବେନ୍ ନାରୁଣ୍ଡ୍ ସଦାପ୍ରବୁଙ୍କ୍ ୱିଡ଼୍ସି ଦେୟାକିନ୍ଗାରେ ପୁଜ୍ମାଡ଼ିତଣ୍ଡ୍, ଅଣ୍ଡ୍ ପୁଜ୍ତେ ଲେକେ ନଷ୍ଟ ଆଦ୍ତଣ୍ଡ୍ । 21 ମିଡ଼୍ ବିଦେଶିଡ଼୍ ପ୍ରବାସି ପର ଅନ୍ୟାୟ୍ ନୁ ଅଡ଼୍ ପରତ୍ ଜିନିଷ ଲାଗିଅୟିମାଟ୍, ବେଲାକି ମିଡ଼୍ ମିସର୍ ଦେଶତେ ବିଦେଶିମାତ୍ତିଡ଼୍। 22 ମିଡ଼୍ ବେସୁଙ୍କ୍ବା ପଡ଼୍ମ୍ ପିଲାତିଙ୍କ୍ କଷ୍ଟ ଇମାଟ୍। 23 ମିଡ଼୍ ଅଡ଼୍କିଙ୍କ୍ ବାତ୍ଆୟି କଷ୍ଟିତ୍କେ, ଅଡ଼୍ ବେସୁଙ୍କୁ ନାକିଙ୍କ୍ ଆସାମ୍ କାରିଙ୍ଗିତଡ଼୍, ଆସୁଟ ନାନ୍ ଅଡ଼୍କାର୍ଙ୍ଗାନାଦ୍ କେଞ୍ଜିତାନ୍। 24 ମେଣ୍ଡେ ନାନ୍ କପାମ୍ ପେୟିକେ, ନାନ୍ ମିକିଙ୍କ୍ ସାକୁତଡ଼୍ ରେଃତିତାନ୍; ଆସୁଟ ମିଇ ମୁତେକି ରାଣ୍ଡି ଆଦ୍ତା ନୁ ପଡ଼୍ମ୍ ପିଲା ଆଦ୍ତା।
25 ମିଡ଼୍ ଯଦି ମା ନାରୁଡ଼୍ ଆଗାଙ୍କ୍ ମିଇ ଗାରେତେ ନାରୁଙ୍କୁ ଗରିବ୍ ନାରୁଡ଼୍କ୍ ଋଣ ଇଦ୍ତିଡ଼୍, ଆସୁଟ୍ ତାନ୍ ପର ବାଡ଼େୟ୍ ନାରୁଣ୍ଡ୍ ଇନା ଆୱିନାଗାଙ୍କ୍ ନୁ ଅନାଗଙ୍କ୍ କଲନ୍ତର୍ ତାଲ୍କି ଅୟିମା। 26 ବେସୁଙ୍କ୍ ନିମେ ନିଜର ଗାରେତ୍ ନାରୁଡ଼୍ତେ ଚିଲେ ତଃସ୍ ନେଃତ୍କେ, ଆସୁଟ ନିମେ ପଡ଼୍ଦ୍ ଆନ୍ୱାକେ ଆଦିଙ୍କ୍ ମାଲ୍ପିଦ୍ତିନ୍। 27 ବାତେଙ୍କ୍ଇତ୍କେ ଆଦ୍ ଅନ୍ ଅଣ୍ଡୟ୍ ମୁସାନାଦ୍ ନୁ ମେନ୍ଦୁଲୁ ମୁସାନ୍ ଚିଲେ, ଅଣ୍ଡ୍ ବାତ୍ତେ ମୁସି ଉଞ୍ଜିତଣ୍ଡ୍ ? ମେଣ୍ଡେ ଅଣ୍ଡ୍ ବେସୁଙ୍କ୍ ନାକିଙ୍କି କାରିଙ୍ଗିତଣ୍ଡ୍, ଆସୁଟ ନାନେ ଆଦ୍ କେଞ୍ଜିତାନ୍, କାରଣ ମାନାଡ଼୍ ଦୟା ମାଡ଼ାନଡ଼୍।
28 ମିଡ଼୍ ନିଜର ପରମେଶ୍ୱରତିଙ୍କ୍ ଦୁସ୍ମାଟ୍, ମେଣ୍ଡେ ନିଜର ନାରୁଡ଼୍ତେ ବାଡ଼ିୟଡ଼୍କିଙ୍କ୍ ଅବିଶାପ୍ ଇମାଟ୍।
29 ମିଡ଼୍ ନିଜର ଶସ୍ୟତେ ପୁରା ତାଗାଙ୍କ୍ ନୁ ପ୍ରତୁମ୍ ଆଦ୍ତେ କାୟାନ୍ ଦ୍ରାକ୍ଷାରସ୍ତିଙ୍କ୍ ଉତ୍ସର୍ଗ ମାଡ଼୍ନଙ୍କ୍ ଲେଟ୍ ମାଡ଼୍ମାଟ୍, ମିଡ଼୍ ନିଜରତେ ପ୍ରତୁମ୍ତେ ପିଲେତିଙ୍କ୍ ମାକିଙ୍କ୍ ଇମୁଟ୍। 30 ମେଣ୍ଡ୍ ନିଜର ଗଡ୍ କି ମେଣ୍ଢା ଆଲେନେ ମାଡ଼ିତିଡ଼୍; ଅଣ୍ଡ୍ ସାତ୍ ଦିନ୍ ନିଜର ୟାୟନ୍ତଡ଼୍ ମାନ୍ତେ, ଆଟଦିନ୍ତେ ମିଡ଼୍ ଆଦ୍ ନାକିଙ୍କି ଇଦିତିଡ଼୍। 31 ମେଣ୍ଡେ ମିଡ଼୍ ମା ମାଇଦିଙ୍କ୍ ପବିତ୍ର ନାରୁଡ଼ି ଆଦ୍ତିଡ଼୍; ଇଦିନ୍ ମାଇଦିଙ୍କ୍ ପଶୁ ଡ଼ଲତେ ଆୱୁଙ୍ଗ୍ତିନ୍ମାଟ୍; ମିଡ଼୍ ଆଦ୍ ନେଇକିନ୍ ମୁନେ ୱାଟିଦ୍ତିଡ଼୍।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)