11 ମେଣ୍ଡେ ସଦାପ୍ରବୁ ମୋଶାଙ୍କ୍ କେତ୍ତଣ୍ଡ୍, 12 ମାମ୍ ଇସ୍ରାଏଲତେ ମାର୍କିଡ଼୍କିଙ୍କ୍ କେତାନାଦ୍ କେଞ୍ଜ୍ତମ୍; ମିଡ଼୍ ଅଡ଼୍କିଙ୍କ୍ କେଲ୍ମୁଟ୍, ମିଡ଼୍ ମୁଲ୍ପୁଟ୍ ସମୟତେ ଆୱୁଙ୍ଗ୍ ତିନ୍ତିଡ଼୍ ନୁ ନାର୍କୁକ୍ ଦଡ଼୍ ତିଞ୍ଜ୍ପାଞ୍ଜିତିଡ଼୍ ଆସୁଟ୍ ମାମ୍ ଯେ ମିକିଙ୍କ୍ ସଦାପ୍ରବୁ ପରମେଶ୍ୱର ଆଦ୍ ପୁନ୍ତ୍ତିଡ଼୍। 13 ତାନ୍ପେର୍କେ ମୁଲ୍ପୁଟ୍ ସମୟତେ ଆର୍ରଦାଗ୍ ଆଦ୍ଦାନ୍ ପିଟେକି ୱାସ୍ ନିଡ଼୍କେ ପଡ଼ିୟେତାଗ୍ ମୁଚିଆତ୍ତା, ମେଣ୍ଡେ ନାର୍କକୁକେ ନିଡ଼୍କ୍ ପଡ଼ିୟେ ସାରେପାକେ ମାସ୍ ରାଲ୍ତେ। 14 ତାନ୍ପେର୍କେ ମିସ୍ତେ ମାସ୍ ଏର୍ ଅଦିକ୍ ଆତ୍ତାଙ୍କ୍ ବୁମ୍ଦାଗ୍ ମାସ୍ ଏର୍ ଲେକାମ୍ ଗୋଲଦାଉ ସୁଦୁରାୱୁ ଜିନିଷ ଆଞ୍ଚିନ୍ ପରୁ ରାହିମାତ୍ତା। 15 ମେଣ୍ଡେ ଇସ୍ରାଏଲତେ ନାରୁଡ଼୍ ଆଦ୍ ଉଡ଼ି ନିଜର ନିଜର ଲପେ କେତ୍ତଡ଼୍, "ଇଦି ବାତ୍ତେ ଆଦ୍ତେ ?" ବେଲାନ୍ ଆଦ୍ବାତେ ମାତ୍ତେ, ଅଡ଼୍ ପୁନଡ଼୍ ଆତ୍ତଡ଼୍। ଆସୁଟ୍ ମୋଶାଲ୍ କେତ୍ତଣ୍ଡ୍, ଇଦି ମିଇ ମାଇଦିଙ୍କ୍ ତିନ୍ଦାନଙ୍କ୍ ସଦାପ୍ରବୁ ଇତ୍ତେ ଦଡ଼୍ ବା ମାନ୍ନା।
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)