ଇଶ୍ୱର୍ ମାନ୍ଦାନ୍ ଗୁଡ଼ୁସେ
1 ମେଣ୍ଡେ ମିଡ଼୍ ଦଶ ପରଦାତେ ଗୁଡ଼ୁସା ତିଆର୍ ମାଡ଼ିତିଡ଼୍, ଆ ସାରେ ଯବନିକା ପାଣ୍ଡ୍ରିଲାଦ୍ ଚୁଦୁଲାଦ୍, ନିଲ, ଉମେ ନୁ ସିନ୍ଦୁର୍ କଲର୍ ନିଲ୍ଦେ ତିଆର ଆଦ୍ତେ, ଆସୁଟ ଶିଳ୍ପିତ୍ କିରୁବଡ଼୍ଲେକେ ଆଦ୍ତେ। 7 ମେଣ୍ଡେ ଆ ଲତ୍ତେ ପରୁ ୱେସ୍ତେ ଗୁଡ଼ୁସେତ୍ ମାଇଦିଙ୍କ୍ ମେକେତ୍ ତଲ୍କେତେ ଏଗାର୍ଟାନ୍ ପରଦା ତିଆର ମାଡ଼ିତିଡ଼୍। 14 ଆସୁଙ୍କ୍ ମିଡ଼୍ ଏର୍ରେ ରଙ୍ଗ୍ଦେ ମେଣ୍ଢାତ୍ ତଲ୍କେତେ ଗୁଡ଼ୁସେତ୍ ଅଣ୍ଡୟ୍ ଚାତ୍ ମାଡ଼ିତିଡ଼୍, ମେଣ୍ଡେ ଆ ପର ବିଡ଼୍ଦୁଲ୍ ତଲ୍କେତ୍ ଅଣ୍ଡୟ୍ ୱେସ୍ରାମ୍ ମାଡ଼ିତିଡ଼୍। 15 ଲପେକନ୍ ମିଡ଼୍ ଲତେମାଇଦିଙ୍କ୍ ଶିଟିମ୍ ୱେର୍ତେ ଟିଆପଟା ତିଆର୍ ମାଡ଼ିତିଡ଼୍। 31 ମେଣ୍ଡେ ମିଡ଼୍ ନିଲ ରଙ୍ଗ୍ ନୁ ଉମେ ରଙ୍ଗ୍ ନୁ ସିନ୍ଦୁ ରଙ୍ଗ୍ କଟ୍ତେ ପାଣ୍ଡ୍ରିଲାଦ୍ ଚୁଦୁଲାଦ୍ ନୁଲ୍ଦେ ଅଣ୍ଡୟ୍ ଲିକ୍ତେ ଚିଲେ ତିଆର୍ ମାଡ଼ିତିଡ଼୍; ଆଦ୍ ଦକ୍ଷତା ମାନ୍ଦାନ୍ ମିସ୍ତ୍ରିଇନା ପାଡ଼ିୟ୍ଦେ କିରୁବନଡ଼୍ ଚିତ୍ର ଲେକାମ୍ ମାଡ଼୍ଙ୍କ୍ଆଦ୍ତେ। 33 ମେଣ୍ଡେ ଗୁଣ୍ଡିତ୍ ସାରେ ମଦଲ୍ ଲିକ୍ତେ ଚିଲେ ୱେସ୍ ଆ ଲିକ୍କା ଚିଲେ ଏଡ଼୍ ସାକ୍ଷ୍ୟଲେକାତ୍ ସିନ୍ଦୁକ୍ ତାତ୍ତିତିଡ଼୍, ଆଗାକଞ୍ଚ୍ ଆ ଲିକ୍ତେ ଚିଲେତ୍ ପବିତ୍ର ପଡ଼ିୟେତାଗ୍ ନୁ ମହାପବିତ୍ର ପଡ଼ିୟେତାଗାଙ୍କ୍ ୱେରେ ଆଦ୍ତେ।