ଗାବ୍ମାନ୍ଦାନ୍ ଦୁପାମ୍ତେ ବେଦି
1 ମେଣ୍ଡେ ମିଡ଼୍ ଦୁପାମ୍ ନିଡ଼୍ପ୍ସାନ୍ ମାଇଦିଙ୍କ୍ ଶିଟିମ୍ ୱେର୍କ୍ ଅଣ୍ଡୟ୍ ବେଦି ତିଆର୍ ମାଡ଼ିତିଡ଼୍। 6 ମେଣ୍ଡେ ମାମ୍ ବେନ୍ ପଡ଼ିୟେତାଗ୍ ମିଇ ତଡ଼୍ କାଇଲିତମ୍, ଆ ପଡ଼ିୟେତାଗ୍, ଇତ୍କେ, ସାକ୍ଷ୍ୟ ସିନ୍ଦୁକ୍ତେ ପରତ୍ପାକେ ପାପ୍ ନର୍ଦାନାଦ୍ ମୁନେ ସାକ୍ଷ୍ୟସିନ୍ଦୁତେ ପେଡ଼ିତ୍ ପରତ୍ପାକେ ଲିକ୍ତେ ଚିଲେତେ ମୁନେ ଆଦ୍ ନେଃତିଡ଼୍। 7 ହାରୋଣ ଆଦିନ୍ ପର ସାୟେ ଗାବ୍ ମାନ୍ଦାନ୍ ଦୁପାମ୍ ନିଡ଼୍ସ୍ପିତିଡ଼୍, ଅଣ୍ଡ୍ ନିତାଲ୍ ନାର୍କୁକେ ୱେସ୍ ପରିଷ୍କାର୍ ମାଡ଼ାନ୍ ୱେଲେ ଆ ଦୁପାମ୍ ନିଡ଼୍ସ୍ପିତିଣ୍ଡ୍ । 8 ମେଣ୍ଡେ ମୁଲ୍ପୁଟ୍ତେ ୱେଲେ ହାରୋଣ ୱେସ୍ ନିଡ଼୍ସ୍କ୍ପାନ୍ ସମୟତେ ଦୁପାମ୍ ନିଡ଼୍ସ୍ପିଦ୍ତଣ୍ଡ୍, ଆଗାକନ୍ ମିଡ଼୍ ଆନିଦାଦିଡ଼୍ ସଦାପ୍ରବୁନ୍ ମୁନେ ସାରେ ଦିନା ଦୁପାମ୍ ନିଡ଼୍ସ୍ପିତିଡ଼୍। 10 ମେଣ୍ଡେ ହାରୋଣ ଏଣ୍ଡେକତେ ଅଣ୍ଡୟ୍ଦାମ୍ ଆଦିନ୍ କଃର୍ଦେ ମାଇଦିଙ୍କ୍ ପବିତ୍ର ମାଡ଼ିତିଡ଼୍; ଆ ସମର୍ପିତ୍ ପାପତେ ବଲିତେ ନେତୁର୍ତେ ମି ଆନିଦାଦିଡ଼୍ ଏଣ୍ଡେକ୍ତେ ଅଣ୍ଡୟ୍ଦାମ୍ ଆଦିନ୍ ମାଇଦିଙ୍କ୍ ସମର୍ପିତ୍ ମାଡ଼ିତିଡ଼୍; ଇ ବେଦି ସଦାପ୍ରବୁନ୍ ମାଇଦିଙ୍କ୍ ପବିତ୍ର ଆଦ୍ତେ।