ପିତ୍ତଲ୍ତେ ଏର୍ କୁଣ୍ଡେ
17 ଲପେକନ୍ ସଦାପ୍ରବୁ ମୋଶାଙ୍କ୍ କେତ୍ତଣ୍ଡ୍, 18 ମିଡ଼୍ ନର୍ଦାନ୍ ମାଇଦିଙ୍କ୍ ପିତ୍ତଲ୍ତେ କୁଣ୍ଡେତିଙ୍କ୍ ନୁ ଆଗେତ୍ ପିତ୍ତଲ୍ତେ ତିଆର୍ ଆତ୍ତାଦିଙ୍କ୍ ତିଆର୍ ମାଡ଼ିତିଡ଼୍; ମେଣ୍ଡେ କାଇଲାନ୍ ଗୁଡ଼ୁସେତାଗ୍ ନୁ ବେଦିତ୍ ନାଡ଼୍ମେ ନେଃତିଡ଼୍ ଆଗେ ଏର୍ ତୁରୁୱିତିଡ଼୍। 19 ମେଣ୍ଡେ ହାରୋଣ ନୁ ତାନ୍ ମାର୍କ୍ ଆଗାକନ୍ ନିଜର ନିଜର କାଇକ୍ ନୁ ଡ଼େକା ନର୍ଦ୍ତଡ଼୍। 20 ଅଡ଼୍ କାଇଲାନ୍ ଗୁଡ଼ୁସେତାଗ୍ ନେଙ୍ଗାନ୍ ୱେଲେ ବେଲାକି ଡଲଡ଼୍ ଆଦ୍ତଡ଼୍; ଇଦିନ୍ମାଇଦିଙ୍କ୍ ଏର୍ଦେ ନିଜର ମାଇଦିଙ୍କ୍ ନର୍ରତଡ଼୍; ବା ସଦାପ୍ରବୁନ୍ ସେବାତେ ମାଇଦିଙ୍କ୍; ଇତ୍କେ, କିସ୍ତେ ଉପହାର୍ଦେ ଦୁପାମ୍ନ୍ୟାୟ୍ ପଡ଼୍ସାନ୍ ମାଇଦିଙ୍କ୍ ବେଦିତ୍ ଗାରେ ୱାଦାନ୍ ୱେଲେ ବେଲା ଡ଼ଲ୍ମାକିଡ଼୍। 21 ଇଦିନ୍ ମାଇଦିଙ୍କ୍ ଅଡ଼୍ ନିଜର ନିଜର କାଇ ନୁ ଡ଼େକା ନର୍ରତଡ଼୍; ଇଦି ଆଦିନ୍ ନୁ ତାନ୍ ପିଲୁଡ଼୍ତେ ଆନିଦାଦିଡ଼୍ ପାଲନ୍ ମାଡ଼ାନ୍ ତେର୍ୱ ୱେଲେତ୍ ନିୟମ୍।