ବତ୍ସଲେଲ୍ ନୁ ଅହଲିୟାବର୍ତେ ଦାୟିତ୍
1 ତାନ୍ପେର୍କେ ସଦାପ୍ରବୁ ମୋଶାଙ୍କ୍ ଇଦ୍ ଗଟ୍ କେତ୍ତଣ୍ଡ୍, 2 ଉଡ଼ାଟ୍, ମା ଯିହୁଦା ପିଲୁଡ଼୍ତେ ହୂରତେ ମାର୍ରିନ୍ ଉରିରନ୍ ନାତିଙ୍କ୍ ବତ୍ସଲେଲ୍ଙ୍କ୍ ପେଦେର୍ ପୟିସ୍ କାର୍ଙ୍ଗ୍ତମ୍ 3 ମେଣ୍ଡେ ଶିଳ୍ପ31:3 ଲକିନାଗ୍ ଚିତ୍ର ମାଡ଼ାନ୍ ମିତ୍ସି ଲକ୍ମାଡ଼ାନଡ଼୍ ପାଡ଼୍ୟି, ଇତ୍କେ, ସୁନା, ରୂପା ନୁ ପିତ୍ତଲ୍ତେ ଡ଼େୱାନ୍ ନୁ କଚନାର୍ତକ ମଣି କତ୍ତନ ୱେର୍କ୍ ଡ଼େୱାନ୍ଲେକେ 4 ସାରେ ପ୍ରକାର୍ ଶିଳ୍ପ ପାଡ଼୍ୟି ମାଡ଼ାନ୍ମାଇଦିଙ୍କ୍ 5 ଆଦି ଜ୍ଞାନ, ବୁଦ୍ଦ୍, ବିଦ୍ୟା ନୁ ପାଡ଼୍ୟି ପୁତ୍ତେନଡ଼୍ ପରମେଶ୍ୱରଦେ ଆତ୍ମାତେ ପୂରା ମାଡ଼୍ତମ୍। 6 ମେଣ୍ଡେ ଉଡ଼ାଟ୍, ମାଆ ଦାନ ପିଲୁଡ଼୍ଜାତ୍ତେ ଅହିଷାମକରତେ ମାର୍ରଙ୍କ୍ ଅହଲିୟାବତିଙ୍କ୍ ଅନ୍ତଡ଼୍ ଆଦ୍ ମାଇଦିଙ୍କ୍ ନିଯୁକ୍ତି ମାଡ଼୍ତମ୍; ମେଣ୍ଡେ ସାରେ ବିଜ୍ଞମନ୍ଦେ ନାରୁଡ଼୍କିଙ୍କ୍ ହୃଦୟତାଗ୍ ଜ୍ଞାନ୍ ଇତ୍ତମ୍; ଆଦିଙ୍କ୍ ମାମ୍ ମିକିଙ୍କ୍ ସାରେ ଆଦେଶ୍ ଇତମ୍, ଆୱୁ ସାରେ ଅଡ଼୍ ତିଆର୍ ମାଡ଼ିତଡ଼୍।