ମୋଶାନ୍ ପ୍ରାର୍ତନା
12 ତାନ୍ପେର୍କେ ମୋଶାଲ୍ ସଦାପ୍ରବୁଙ୍କ୍ କେତ୍ତଣ୍ଡ, ଉଡ଼୍, ନିମେ ଇ ନାରୁଡ଼୍କିଙ୍କ୍ ଅଦାନ୍ ମାଇଦିଙ୍କ୍ ନାକିଙ୍କି କେତୁତି, ମାତ୍ର ନିମେ ନାତଡ଼୍ ବେନଙ୍କ୍ ରତ୍ତି, ଇଦି ମିଡ଼୍ ନାକିଙ୍କ୍ ପୁଞ୍ଜ୍ୱିଡ଼୍। ଆଗେକ୍ବା ମିଡ଼୍ କେତୁତିଡ଼୍, ମାମ୍ ପେଦେର୍ତଡ଼୍ ମିକିଙ୍କ୍ ପୁତ୍ତମ୍ ନୁ ମିଡ଼୍ ମାଆ କଣ୍ଡେତେ ଅନୁଗ୍ରହ ଆସ୍ମିନ୍ଦେନ୍। 13 ସାୟ୍, ନାନ୍ ବେସୁଙ୍କ୍ ମିଇ କଣ୍ଡେତେ ଅନୁଗ୍ରହ ଆସ୍ମିନ୍ଦେନ୍, ଆଦିଙ୍କ୍ ପ୍ରାର୍ତନା ମାଡ଼ୁତା, ନାନ୍ ମିଇ କଣ୍ଡେତେ ଅନୁଗ୍ରହ ପାୟେମ୍ ଆଦାନ୍ ଆସତେ ବେଲା ନିକିଙ୍କ୍ ପୁନ୍ଦଦେ ପାର୍ତାନ୍, ଇଦିନ୍ମାଇଦିଙ୍କ୍ ଇଞ୍ଜେ ନିମେ ନାକିଙ୍କ୍ ନିଜର ଆର୍ଦେ ପୁଞ୍ଜ୍ପାନ୍; ମେଣ୍ଡେ ଇ ଗୋଷ୍ଟି ବେଲା ମିଇ ନାରୁଡ଼୍, ଇଦି ଏର୍କେମାଡ଼୍। 14 ଆସୁଟ୍ ଅଣ୍ଡ୍ କେତ୍ତଣ୍ଡ୍, ନା ମୁନେ ମିଇ ତଡ଼୍ ଆଦ୍ତିଡ଼୍, ମେଣ୍ଡେ ମାମ୍ ମିକିଙ୍କ୍ ରମାନ୍ଦିନାମ୍ ଇଦ୍ତମ୍। 15 ଆସୁଟ ଅଣ୍ଡ୍ ଅକିଙ୍କ୍ କେତ୍ତଣ୍ଡ୍, ଯଦି ମିଇ ମୁନେ ମା ତଡ଼୍ ଆନ୍ମାଟ୍, ଇ ପଡ଼ିୟେକନ୍ ମାକିଙ୍କ୍ ଅୟିମାଟ୍।" 16 ବାତେଙ୍କ୍ଇତ୍କେ ନାନ୍ ନୁ ମିଇ ଇ ନାରୁଡ଼୍ ବେଲା ମିଇ କଣ୍ଡେତେ ଅନୁଗ୍ରହ ଆସ୍ ମାଡ଼ମିନ୍ଦେମ୍, ଇଞ୍ଜ ଇଦି ବେଲା ବାତେ ପୁଞ୍ଜ୍ପିତମ୍ ? ବେଲାନେ ନାନ୍ ନୁ ମିଇ ନାରୁଡ଼୍ ପୃତିବିତେ ସାରେ ନାରୁଡ଼୍କନ୍ ସାୟେ ନାରୁଡ଼୍ ଆଦ୍ତାଡ଼୍, ମାତଡ଼୍ ମିଇ ଆଦାନ୍ଆର୍ର କି ଇଦ୍ କେଞ୍ଜ୍ସ୍ପାନଙ୍କ୍ ଆୟ।
17 ତାନ୍ପେର୍କେ ସଦାପ୍ରବୁ ମୋଶାଙ୍କ୍ କେତ୍ତଣ୍ଡ, ଇଦି ବେନ୍ ଗଟ୍ ମିଡ଼୍ କେତ୍ତିଡ଼୍, ଆଦ୍ଦେ ହିଁ ମାମ୍ ମାଡ଼୍ତମ୍, ବାତେଙ୍କ୍ଇତ୍କେ ମିଡ଼୍ ମା ଅଣ୍ଡ୍ ଅନୁଗ୍ରହ ପାହେମ୍ ଆତ୍ତିଡ଼୍, ମେଣ୍ଡେ ମାଆ ପେଦେର୍ତେ ନିକିଙ୍କ୍ ପୁତ୍ତମ୍।