João 15

Yesu iyo mzabibu wa kweli

1 Amala Yesu kalonga, "Niye iyo mzabibu wa kweli, na Tati yangu iyo mlimi. 2 Chila kwamvi mmwangu dilekile kulela kodisegeza, na chila kwamvi dilela kodidahulila dilele ng’hani. 3 Mweye mmala kunang’hana mmoyo kwavija msunhigwa kwa uja usenga uniwalongeleni. 4 Kaleni mgati yangu kama vinikala mgati yenu. Kama vija kwamvi da mzabibu hadidaha kulela manhunda diiyeka kama hadikalile mdisina, ivija namweye hamdaha kusang’hana vija viyalonda Mulungu kama hamkala mgati yangu. 5 Niye uwo mzabibu na mweye iyo makwamvi. Waja wokala mgati yangu, na niye mgati yao, wao wosang’hana mbuli nyingi ziyalonda Mulungu, manake bila niye mweye hamdaha kusang’hana chochose.