MATAYO 14

Yesu kogenda uchanha ya mazi

22 Bahaja, Yesu kawalagiza waluko wake wakwele muingalawa, wamlongole umwambu mwa lamba chipindi yeye kogalaga mabumbila ga wanhu. 23 Viyamalile kuwalaga wanhu, kakwela kulugongo yaiyeka kupula. Kakala uko yaiyeka yopula mbaka hadiswele zua. 24 Na chipindi icho ija ngalawa ivika mmabehi kuvika hagati ya lamba kulu, mbali itoigwa na nhumbi da mazi kwa vija beho dikala doisung’ha ngalawa. 25 Ichilo habehi na kukunguzuka, Yesu kawawinza waluko wake kuno yogenda uchanha mmanzi. 26 Waluko wake viwamonile yogenda uchanha mmazi wadumba ng’hani walonga,"Uno mzimu!" Waguta bung’hukila kwa kudumba. 27 Bahaja, Yesu kawalongela, "Nyamaleni, iyo niye. Sekemdumbe!" 28 Petulo kamlongela, "Mndewa, iyawa iyo gweye kweli, nilongele nikuwinze uchanha mmazi." 29 Yesu kalonga, "Haya, izo." Baho, Petulo katelemka kulawa muingalawa, kagenda uchanha ya mazi, kamuwinza Yesu. 30 Mbali Petulo viyaonile dija beho, kadumba na kasonga kudidimila, kalila kwa dizi yokema, "Mndewa nilohole!" 31 Baho, Yesu kagolosa mkono wake na kumwamha, kamlongela, "Gweye ulina nhogolwa ndodo! Habali kuona woga?" 32 Amala wakwela muingalawa, na beho ditindiwala. 33 Wose wakalile mgati ya muingalawa watumbala mavindi na kumfugamila, walonga, "Gweye kweli Mwana wa Mulungu."