29 "Vigamalile magayo ga mazua gago, zua dogeligwa ziza, mwezi haubung’hula, nhondo zolagala kulawa kuulanga, na udaho wa kuulanga wotigisigwa. 30 Amala chilaguso cha mwana munhu chooneka kuulanga, na baho makabala gose muuisi golomboleza, womona mwana munhu yokwiza kulawa mgamawingu ga kuulanga yeli na udaho na ukulu mwingi. 31 Nayo, kowalagiza watumigwa wa kwa Mulungu weli na mhalati zilila ng’hani, nawo wowakunzanya wasaguligwe wake kulawa mhande zose nne za isi, kulawa kuuhelelo uno mbaka uhelelo umwenga.