MATAYO 9

Biti afisa na mama imwe wohonyigwa

18 Yesu viyakalile yolonga gago, afisa imwe Myahudi kavika, kamtumbalila kalonga, "Biti yangu kadanganika sambi baha. Mbali nokupula chite ukamwikile mkono wako nayo kohona." 19 Yesu, kasegela hamwe na waluko wake kamuwinza. 20 Mama imwe yakalile na utamu wa kufua damu kwa milao kumi na midi, kamuwinza Yesu hachisogo kamha mhindo da valo jake. 21 Katenda ivo kwa kutonga mmoyo, "Nihajamha tu valo jake nohona." 22 Yesu kahinduka kamona, kamlongela, "Biti sekeudumbe! Nhogola yako ikuhonya," Mama ija kahona saa iija. 23 Amala Yesu kengila mng’anda mwa ija afisa. Na viyaonile watoa filimbi za giogio na waja wanhu wamemile wolombekeza, 24 kalonga, "Segeleni hano, biti ino hadanganike ila kawasa tu." Nawo wamseka.

25 Baho bumbila da wanhu wakalile haja vidisegezigwe, Yesu kengila mng’anda kamwamha mkono biti iyo, nayo kenuka. 26 Mbuli iyo yenela ng’hani muiisi ija yose.